ສະຫະລັດອາເມລິກາກຽມພ້ອມຊ່ວຍບັນດາປະເທດອາຊີຕາເວັນອອກສຽງໃຕ້ຕ້ານພວກກະບົດຫົວຮຸນແຮງ
(ພາບປະກອບ)
(vovworld)- ໃນວັນທີ 4/7, ທ່ານ ພົນຈັດຕະວາ Brian Hurley ກອງທັບເຮືອສະຫະລັດອາເມລິກາ ໃຫ້ຮູ້ວ່າ: Washington ມີຄວາມວິຕົກກັງວົນ ກ່ຽວກັບບັນດາເຫດບຸກໂຈມຕີ ແລະ ຫຼອກຈັບຕົວບັນດາລູກເຮືອໃນກຳປັ່ນ ໂດຍບັນດາພາກສ່ວນທີ່ຂື້ນກັບກຸ່ມອິດສະລາມຫົວຮຸນແຮງ Abu Sayyaf ຢູ່ຟີລິບປິນ ດຳເນີນ ຢູ່ເຂດທະເລອາຊີຕາເວັນອອກສຽງໃຕ້, ພ້ອມທັງຢືນຢັນວ່າ: ພ້ອມແລ້ວທີ່ຈະໜູນຊ່ວຍຖ້າມີຄວາມຈຳເປັນ. ທ່ານພົນຈັດຕະວາ Hurley ເນັ້ນໜັກວ່າ: ກອງທັບເຮືອສະຫະລັດອາເມລິກາ ໄດ້ສົມທົບກັບບັນດາລັດຖະບານ ຢູ່ອາຊີຕາເວັນອອກສຽງໃຕ້ ແນໃສ່ຮັບປະກັນສິດເສລີໃນການເດີນທະເລ, ຄວາມປອດໄພ ໃຫ້ປະຊາຊົນໃນເຂດນີ້ ແລະ ຈະສືບຕໍ່ປະຕິບັດຄືແບບນີ້ຕໍ່ໄປ.
ກ່ອນໜ້ານັ້ນ, 3 ປະເທດເຊິ່ງລວມມີ ອິນໂດເນເຊຍ, ມາເລເຊຍ ແລະ ຟີລິບປີນ ໄດ້ເຫັນດີເປັນເອກະພາບສົມທົບກັນປະຕິບັດ, ໃນນັ້ນມີ ການລາດຕະເວນ ບົນທະເລ ແລະ ທາງອາກາດ, ກໍ່ຄືກໍ່ສ້າງ “ແນວທາງຜ່ານແດນ” ຄືບັນດາເສັ້ນທາງທະເລ ໄດ້ຮັບການອອກແບບເພື່ອໃຫ້ບັນດາກຳປັ່ນ ຢູ່ບັນດາເຂດຕິດກັບຊາຍແດນທະເລ ເພື່ອແນໃສຢຸດຕິກະແສເຕືອນໄພ ກ່ຽວກັບບັນດາກໍລະນີບຸກໂຈມຕີ ຂ້າມຊາຍແດນ ຂອງກຸ່ມ Abu Sayyaf ແລະ ບັນດາພວກກະບົດທີ່ກ່ຽວຂ້ອງ