ສະເຫນີຕົວກອງທຶນຫນູນຊ່ວຍການຕ່າງປະເທດປະຊາຊົນ
ພາບປະກອບ:internet
|
(vovworld)- ທີ່ພິທີປະກາດຂໍ້ຕົກລົງສ້າງຕັ້ງກອງທຶນຫນູນຊ່ວຍການຕ່າງປະເທດປະຊາຊົນ ຖືກຈັດຂຶ້ນໃນຕອນເຊົ້າວັນທີ 16/7 ຢູ່ ຮ່າໂນ້ຍ, ທ່ານ ດົນຕວນຟອງ, ຮອງປະທານ ທັງເປັນເລຂາທິການ ສະຫະພັນບັນດາອົງການມິດຕະພາບ ຫວຽດນາມ ຕາງຫນ້າໃຫ້ສະພາຄຸ້ມຄອງກອງທຶນດັ່ງກ່າວໄດ້ເນັ້ນຫນັກວ່າ: ເມື່ອກອງທຶນດັ່ງກ່າວໄດ້ຮັບການສ້າງຕັ້ງຂຶ້ນ, ຫວຽດນາມ ແລະ ບັນດາອົງການສາກົນ, ອົງການປະຊາຊົນ ຈະມີເຄື່ອງມືຕື່ມອີກເພື່ອຜັນຂະຫຍາຍບັນດາການເຄື່ອນໄຫວການທູດປະຊາຊົນເວົ້າລວມ, ໃນນັ້ນ ມີບັນດາການເຄື່ອນໄຫວສັນຕິພາບ, ສາມັກຄີມິດຕະພາບ, ການຮ່ວມມືປະຊາຊົນ, ການຮ່ວມມືບໍ່ຂຶ້ນກັບລັດຖະບານລະຫວ່າງຫວຽດນາມ ກັບບັນດາປະເທດໃນໂລກ. ທ່ານ Marko Lovrekovic, ຜູ້ອຳນວຍການສູນຖານຂໍ້ມູນບໍ່ຂຶ້ນກັບລັດຖະບານຂອງຕ່າງປະເທດຢູ່ຫວຽດນາມໄດ້ເນັ້ນຫນັກວ່າ:
“ພິທີສະເຫນີຕົວກອງທຶນຫນູນຊ່ວຍການຕ່າງປະເທດປະຊາຊົນເປັນຂີດໝາຍໃຫມ່ໃນຄວາມມານະພະຍາຍາມຂອງພວກຂ້າພະເຈົ້າເພື່ອການພັດທະນາຂອງຫວຽດນາມ. ນີ້ແມ່ນຈຸດເວລາເໝາະສົມເພື່ອສ້າງຕັ້ງກອງທຶນດັ່ງກ່າວ. ພວກຂ້າພະເຈົ້າຖືວ່າ ນີ້ແມ່ນແຫລ່ງກຳລັງເພື່ອເຮັດໃຫ້ການສະຫນັບສະຫນູນຕໍ່ບັນດາການເຄື່ອນໄຫວສາມັກຄີປະຊາຊົນຂອງ ສະຫະພັນບັນດາອົງການມິດຕະພາບ ຫວຽດນາມ ຢູ່ຫວຽດນາມ ແລະ ຢູ່ບັນດາປະເທດອື່ນໃນໂລກເປັນຫລາຍຮູບຫລາຍແບບ.”