(vovworld) – ຕອນເຊົ້າວັນທີ 25/4, ຢູ່ ຮ່າໂນ້ຍ, ກະຊວງສາທາລະນະສຸກ ຫວຽດນາມ ແລະ ອົງການອະນາໄມໂລກ (ຫຼື WHO) ໄດ້ຈັດຕັ້ງພິທີສະເຫຼີມສະຫຼອງ 10 ປີແຫ່ງການປ້ອງກັນ, ຕ້ານ ໂລກລະບາດ SARS ສຳເລັດຜົນ. ກ່າວຄຳເຫັນນະພິທີສະເຫຼີມສະຫຼອງ, ທ່ານນາງຮອງປະທານປະເທດ ຫວຽດນາມ ຫງວຽນທິຢວານ ຕີລາຄາສູງການບື່ນຕົວຂຶ້ນ ແລະ ການເຕີບໃຫຍ່ຂອງຂະແໜງສາທາລະນະສຸກ ຫວຽດນາມ ໃນການເຄື່ອນໄຫວຕ້ານໂລກລະບາດ SARS, ພ້ອມທັງຢັ້ງຢືນວ່າ ຫວຽດນາມ ແມ່ນປະເທດຍາມໃດກໍ່ມີຄວາມຮັບຜິດຊອບສູງຕໍ່ວົງຄະນະຍາດ ແລະ ສາກົນໃນການປ້ອງກັນ, ຕ້ານໂລກລະບາດ, ທ່ານນາງຮອງປະທານປະເທດ ກໍ່ສະເໜີໃຫ້ຂະແໜງສາທາລະນະສຸກປະຕິບັດວຽກງານປ້ອງກັນ, ຕ້ານໂລກລະບາດໃຫ້ດີກ່ວາອີກ, ພິເສດແມ່ນບັນດາພະຍາດທີ່ອັນຕະລາຍຄື: ໄຂ້ຫວັດ AH5N1, ໄຂ້ຫວັດ A/H7N9 ທີ່ພວມຜັນແປ່ໄປຢ່າງສັບສົນໃນປະຈຸບັນ. ທ່ານນາງຮອງປະທານປະເທດ ຫງວຽນທິຢວານ ເນັ້ນໜັກວ່າ:
“ຂ້າພະເຈົ້າສະເໜີໃຫ້ກະຊວງສາທາລະນະສຸກຖອດຖອນບັນດາບົດຮຽນຜ່ານເຫດການນີ້ ເພື່ອນຳໃຊ້ໃນການປ້ອງກັນ, ຕ້ານໂລກລະບາດໃນປະຈຸບັນ. ເພື່ອຕອບສະໜອງຄວາມຮຽກຮ້ອງຕ້ອງການທີ່ໄດ້ວາງອອກ, ຂະແໜງສາທາລະນະສຸກຕ້ອງຍົກສູງຄວາມສາມາດປ້ອງກັນ, ຕ້ານໂລກລະບາດ, ເອົາໃຈໃສ່ເຖິງວຽກງານບຳລຸງສ້າງພະນັກງານ, ອົງການປະຕິບັດການຕິດຕາມກວດກາ, ພົບເຫັນໂດຍໄວ, ເປີດກ້ວາງລະບົບປິ່ນປົວໃຫ້ຄົນເຈັບ. ພ້ອມທັງເປັນເຈົ້າການໃນແຫຼ່ງຢາ, ທາດເຄມີ, ອຸປະກອນ ກໍ່ຄືເປີດກ້ວາງການຮ່ວມມືກັບສາກົນໃນວຽກງານປ້ອງກັນ, ຕ້ານໂລກລະບາດ, ປະກອບສ່ວນປະຕິບັດໜ້າທີ່ເບິ່ງແຍງດູແລ ແລະ ປົກປັກຮັກສາສຸຂະພາບຂອງປະຊາຊົນ ເຊິ່ງພັກ, ລັດ ແລະ ປະຊາຊົນໄດ້ມອບໝາຍໃຫ້ຢ່າງມີໄຊ.”