( vovworld ) - ວັນທີ 11/6, ຢູ່ແຂວງຫວິງລອງ, ຄະນະບໍລິຫານງານສູນກາງພັກກອມມູນິດຫວຽດນາມ, ສະພາແຫ່ງຊາດ, ປະທານປະເທດ ສສ ຫວຽດນາມ, ລັດຖະບານ ສສ ຫວຽດນາມ, ຄະນະກຳມະການແນວໂຮມປະເທດຊາດຫວຽດນາມ ແລະ ແຂວງຫວິງລອງ ໄດ້ຈັດພິທີ “ໂຮມຊຸມນຸມສະເຫຼີມສະຫຼອງ 100 ປີແຫ່ງວັນຄ້າຍວັນເກີດອະດີດປະທານສະພາລັດຖະມົນຕີ Pham Hung” ( 11/6/1912 – 11/6/2012 ) ຂຶ້ນຢ່າງສົມກຽດ. ເຂົ້າຮ່ວມພິທີສະເຫຼີມສະຫຼອງມີທ່ານນາຍົກລັດຖະມົນຕີ Nguyen Tan Dung, ອະດີດປະທານປະເທດ Nguyen Minh Triet, ອະດີດນາຍົກລັດຖະມົນຕີ Phan Van Khai… ກ່າວຄຳເຫັນນະພິທີ, ທ່ານນາຍົກລັດຖະມົນຕີ Nguyen Tan Dung ເນັ້ນໜັກວ່າ.
“ອະດີດປະທານສະພາລັດຖະມົນຕີ Pham Hung ຍາມໃດກໍ່ສະແດງໃຫ້ເຫັນແມ່ນນັກຮົບກອມມູນິດທີ່ອົງອາດກ້າຫານ, ຈົງຮັກພັກດີຕໍ່ພາລະກິດປະຕິວັດຂອງພັກ, ພ້ອມແລ້ວທີ່ຈະຕໍ່ສູ້ເສຍສະຫຼະຊີວິດເພື່ອເອກະລາດ, ເສລີພາບຂອງປະເທດຊາດ ເພື່ອຄວາມຜາສຸກຂອງປະຊາຊົນ. ດ້ວຍຄວາມຮູ້ຢ່າງເລິກເຊິ່ງ, ກວາງຂວາງ ແລະ ຈີນຕະນາການວິທະຍາສາດທີ່ມີໄຫວພິບ, ອະດີດປະທານສະພາລັດຖະມົນຕີ Pham Hung ໄດ້ປະກອບສ່ວນສຳຄັນເຂົ້າໃນການສ້າງແຜນນະໂຍບາຍ, ແນວທາງຂອງພັກ, ກົດໝາຍຂອງລັດ ແລະ ໝູນໃຊ້ຢ່າງມີຫົວຄິດປະດິດສ້າງເຂົ້າໃນການຕໍ່ຕ້ານຕ້ານສັດຕູຕ່າງດ້າວສອງຄັ້ງຂອງຊາດ ກໍຄືໃນພາລະກິດສ້າງສາ ແລະ ປົກປັກຮັກສາປະເທດຊາດ”.
ການອຸທິດສ່ວນຂອງອະດີດປະທານສະພາລັດຖະມົນຕີ Pham Hung ແມ່ນບົດຮຽນອັນລ້ຳຄ່າໃຫ້ແກ່ໄວໜຸ່ມ ກ່ຽວກັບນ້ຳໃຈຮັກຊາດ, ຈິດໃຈກ້າຫານ, ບໍ່ຍອມຈຳນົນ, ບໍ່ວາດຫວັ່ນຕໍ່ຄວາມທຸກຍາກລຳບາກ ການເສຍສະຫຼະ. ອ້າຍ Nguyen Minh Dung, ເລຂາຄະນະຊາວໜຸ່ມແຂວງຫວິງ ລອງ, ໄດ້ສະແດງຄວາມຕັດສິນໃຈວ່າ.
“ໃນບັນຍາການອັນເຄັ່ງຂຶມຂອງພິທີສຳຄັນນີ້, ຕາງໜ້າໃຫ້ໄວໜຸ່ມຫວຽດນາມ ແລະ ໄວໜຸ່ມ ຫວິງລອງ, ພວກຂ້າພະເຈົ້າໝັ້ນໝາຍຈະຕັ້ງໜ້າຮໍ່າຮຽນຕາມແບບຢ່າງຂອງລຸງ Pham Hung; ຕັດສິນໃຈສູ້ຊົນປະຕິບັດສຳເລັດໜ້າທີ່ການເມືອງທີ່ໄດ້ຮັບມອບໝາຍ, ເຂົ້າຮ່ວມບັນດາຂະບວນການແຂງຂັນອາສາສະໝັກຂອງຊາວໜຸ່ມໃນທຸກຂົງເຂດ, ປະຈັນບານ ຮັບບັນດາໜ້າທີ່ຫຍຸ້ງຍາກ, ພ້ອມແລ້ວທີ່ຈະໄປທຸກແຫ່ງເຊິ່ງພັກ ແລະ ລັດມີຄວາມຕ້ອງການ”.