(vovworld) - ຕອນຄໍ່າວັນທີ 31/12, ຢູ່ນະຄອນທ໋າຍງວຽນ ໄດ້ຈັດພິທີສະເຫຼີມສະຫຼອງ 50 ປີແຫ່ງວັນປະທານໂຮ່ຈິມິນ ລົງຢ້ຽມຢາມ ເປັນຄັ້ງສຸດທ້າຍ (01/01/1964 – 01/01/2014) ຢ່າງສົມກຽດ. ກ່າວສູນທອນພົດທີ່ພິທີສະເຫຼີມສະຫຼອງ, ທ່ານ ຫວຽນດິ່ງແຟ໋ກ, ເລຂາຄະນະພັກນະຄອນທ໋າຍງວຽນ ຊີ້ແຈ້ງວ່າ, ຄາວປະທານໂຮ່ຈິມິນຍັງມີຊີວິດຢູ່, ທ່ານໄດ້ດຳລົງຊີວິດ ແລະ ເຮັດວຽກຢູ່ນະຄອນທ໋າຍງວຽນ ເປັນຫຼາຍປີໃນໄລຍະສົງຄາມຕ້ານພວກລ່າເມືອງຂຶ້ນຝລັ່ງ. ພາຍຫຼັງ ສັນຕິພາບໄດ້ກັບຕ່າວຄືນມາ, ປະທານໂຮ່ຈິມິນ ໄດ້ກັບເມືອຢ້ຽມຢາມທ໋າຍງວຽນ 7 ຄັ້ງ ແລະ ຄັ້ງທີ 7 ກໍ່ແມ່ນຄັ້ງສຸດທ້າຍຂອງເພີ່ນ. ທ່ານ ຫງວຽນດິ່ງແຟ໋ກ ໃຫ້ຮູ້ວ່າ.
“ໃນໄລຍະຈະມາເຖິງ, ເຖິງວ່າຍັງປະສົບກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງກໍ່ຕາມ, ແຕ່ອຳນາດການປົກຄອງ ແລະ ປະຊາຊົນບັນດາເຜົ່າແຂວງທ໋າຍງວຽນ ຕັດສິນໃຈແກ້ໄຂບັນດາຮົ້ວກີດຂວາງ, ຈຸດອ່ອນ ສູ້ຊົນປະຕິບັດຈຸດໝາຍຫັນເປັນແຂວງອຸດສາຫະກຳຕາມທິດທັນສະໄໝກ່ອນປີ 2020 ຢ່າງມີໄຊ. ທ໋າຍງວຽນ ສູ້ຊົນເພື່ອກາຍເປັນນະຄອນຂຶ້ນກັບສູນກາງໃນຊຸມປີທີ 20 ຂອງສະຕະວັດທີ 21”.