ສະເຫຼີມສະຫຼອງ 65 ປີແຫ່ງວັນສ້າງຕັ້ງ ກອງທັບປະຊາຊົນ ລາວ ຢູ່ຫວຽດນາມ
Minh Duc -
(ສະເຫຼີມສະຫຼອງ 65 ປີແຫ່ງວັນສ້າງຕັ້ງກອງທັບປະຊາຊົນລາວ ຢູ່ຫວຽດນາມ)
(vovworld) - ຕອນຄໍ່າວັນທີ 15/01, ຢູ່ຮ່າໂນ້ຍ, ສະຖານທູດລາວ ປະຈຳຫວຽດນາມ ໄດ້ຈັດຕັ້ງພິທີສະເຫຼີມສະຫຼອງ 65 ປີແຫ່ງວັນສ້າງຕັ້ງກອງທັບປະຊາຊົນລາວ (20/01/1949 – 20/01/2014). ເຂົ້າຮ່ວມພິທີສະເຫຼີມສະຫຼອງມີທ່ານ ສົມພອນ ສີຈະເລີນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳຫວຽດນາມ, ພົນໂທ ໂງຊວນລິກ, ເລຂາສູນກາງພັກ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ, ພ້ອມກັບນາຍ ແລະ ພົນທະຫານຫວຽດນາມ ແລະ ລາວ ລຸ້ນຕ່າງໆ. ກ່າວຄຳເຫັນທີ່ພິທີ, ທ່ານເອກອັກຄະລັດຖະທູດ ສົມພອນ ສີຈະເລີນ ໃຫ້ຮູ້ວ່າ: ຕະຫຼອດໄລຍະແຫ່ງການຕໍ່ສູ້ເພື່ອຍາດເອົາຄວາມເປັນເອກະລາດ, ກອງທັບ ແລະ ປະຊາຊົນລາວ ໄດ້ຮັບການຊ່ວຍເຫຼືອຈາກກອງທັບ ແລະ ປະຊາຊົນບັນດາປະເທດເມື່ອນມິດ. ພິເສດແມ່ນການສະໜັບສະໜູນອັນໃຫຍ່ຫຼວງ, ລ້ຳຄ່າ, ທັນການຂອງກອງທັບ ແລະ ປະຊາຊົນຫວຽດນາມ.
(ທ່ານເອກອັກຄະລັດຖະທູດ ສົມພອນ ສີຈະເລີນ )
ໂດຍຕາງໜ້າພະນັກງານ, ນັກຮົບກອງທັບປະຊາຊົນຫວຽດນາມ ລຸ້ນຕ່າງໆທີເຄີຍເຂົ້າຮ່ວມການຕໍ່ສູ້ຮ່ວມກັບກອງທັບປະຊາຊົນລາວ. ພົນໂທ ໂງຊວນລິກ ເນັ້ນໜັກວ່າ.
“ໂດຍເປັນເພື່ອນສະຫາຍທີ່ເຄີຍຮຽງບ່າຮຽງໄຫຼ່ຢູ່ສະໜາມຮົບ, ພະນັກງານ, ນັກຮົບກອງທັບປະຊາຊົນຫວຽດນາມ ສະແດງຄວາມເບີກບານມ່ວນຊື່ນຕໍ່ບັນດາຜົນງານອັງໃຫຍ່ຫຼວງ ໃນວິວັດການກໍ່ສ້າງ, ຕໍ່ສູ້, ເຕີບໃຫຍ່ຂອງກອງທັບປະຊາຊົນລາວ ອ້າຍນ້ອງ. ພວກຂ້າພະເຈົ້າເຊື່ອໝັ້ນວ່າ, ພາຍໃຕ້ການຊີ້ນຳ ນຳພາຂອງພັກປະຊາຊົນປະຕິວັດລາວ, ກອງທັບປະຊາຊົນລາວ ຈະສືບຕໍ່ເສີມຂະຫຍາຍມູນເຊື້ອອັນສະງ່າລາສີຂອງຕົນ, ຍາດໄດ້ບັນດາຜົນງານອັງໃຫຍ່ຫຼວງກວ່າອີກ ໃນພາລະກິດສ້າງສາ ແລະ ພັດທະນາປະເທດຊາດ”.
ພິທີສະເຫຼີມສະຫຼອງກໍ່ແມ່ນໂອກາດເພື່ອໃຫ້ກອງທັບປະຊາຊົນລຸ້ງຕ່າງໆຂອງ 2 ປະເທດຫວນຄືນໄລຍະພ້ອມກັນຕໍ່ສູ້ເພື່ອຮັກສາສັນຕິພາບ, ເອກະລາດໃຫ້ທັງ 2 ຊາດ.
Minh Duc