(vovworld) - ວັນທີ 11/07, ສະຫະສະມາຄົມບັນດາອົງການມິດຕະພາບ, ສະມາຄົມມິດຕະພາບຫວຽດນາມ - ຝລັ່ງ ນະຄອນໂຮ່ຈິມິນ ໄດ້ຈັດພິທີສະເຫຼີມສະຫຼອງ 227 ປີແຫ່ງວັນຊາດສ.ຝລັ່ງ (14/07/1789 – 14/07/2016). ກ່າວຄຳຫັນທີ່ພິທີ, ທ່ານນາງຮອງສາດສະດາຈານ, ດ.ຣ ຫງວຽນທິຫງອກຢຸງ, ຮອງປະທານສະມາຄົມມິດຕະພາບຫວຽດນາມ - ຝລັ່ງ ນະຄອນໂຮ່ຈິມິນ ໄດ້ແບ່ງປັນວ່າ: ໃນຊຸມປີມໍ່ໆມານີ້, ການພົວພັນລະຫວ່າງຫວຽດນາມ ແລະ ຝລັ່ງ ໄດ້ ແລະ ພວມພັດທະນາໃນທຸກຂົງເຂດຢ່າງຮອບດ້ານ. 2 ປະເທດໄດ້ຍົກລະກັບການພົວພັນຂຶ້ນສູ່ລະດັບຄູ່ຮ່ວມມືຍຸດທະສາດເມື່ອປີ 2013, ເປັນເອກະພາບທິດທາງຮ່ວມມືຫວຽດນາມ - ຝລັ່ງ “ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຍາວນານ, ມີຄວາມໄວ້ເນື້ອເຊື່ອໃຈເຊິ່ງກັນແລະກັນໃນສະຕະວັດທີ 21”, ໃນນັ້ນ ການພົວພັນມິດຕະພາບ, ການຮ່ວມມືລະຫວ່າງນະຄອນໂຮ່ຈິມິນ ແລະ ທ້ອງຖິ່ນຕ່າງໆຂອງຝລັ່ງ ນັບມື້ນັບໄດ້ຮັບການພັດທະນາ. ບົນພື້ນຖານການຮ່ວມມືຮອບດ້ານ, ດີງາມທີ່ມີຢູ່ແລ້ວ ພ້ອມກັບຄວາມຕັດສິນໃຈຂອງທັງ 2 ຝ່າຍ, ທ່ານນາງ ຫງວຽນທິຫງອກຢຸງ ເຊື່ອໝັ້ນວ່າ, ການພົວພັນລະຫວ່າງ 2 ປະເທດ ຈະສືບຕໍ່ພັດທະນາຢ່າງແຮງ, ນັບມື້ນັບແທດຈິງ, ມີປະສິດທິຜົນ, ຕອບສະໜອງຜົນປະໂຫຍດຂອງປະຊາຊົນ 2 ປະເທດ, ປະກອບສ່ວນເຂົ້າໃນສັນຕິພາບ, ສະຖຽນລະພາບ ແລະ ການພັດທະນາໃນພາກພື້ນ ແລະ ຢູ່ໃນໂລກ.