ທ່ານຮອງນາຍົກລັດຖະມົນຕີ ຟ້າມບິ່ງມິນ ແລະ ທ່ານເອກອັກຄະລັດຖະທູດ
ສິງກະໂປ Ng Teck Hean (ພາບ: VGP)
(vovworld) - ກ່າວຄຳເຫັນທີ່ພິທີສະເຫຼີມສະຫຼອງ 50 ປີແຫ່ງວັນຊາດປະເທດ ສິງກະໂປ ດຳເນີນໃນຕອນຄ່ຳວັນທີ 14/8, ທ່ານຮອງນາຍົກລັດຖະມົນຕີ, ລັດຖະມົນຕີວ່າການກະຊວງການຕ່າງປະເທດຫວຽດນາມ ຟ້າມບິ່ງມິງ ໄດ້ສົ່ງຄຳອວຍພອນເຖິງລັດຖະບານ ແລະ ປະຊາຊົນ ສິງກະໂປ, ພາຍໃຕ້ການຊີ້ນຳນຳພາຂອງອະດີດນາຍົກລັດຖະມົນຕີ ຫຼີກວາງຢູ. ປະເທດ ສິງກະໂປ ເປັນປະເທດໜຶ່ງ ພວມພັດທະນາໄດ້ກາຍເປັນປະເທດພັດທະນາອັນດັບໜຶ່ງຢູ່ພາກພື້ນ. ທ່ານຮອງນາຍົກລັດຖະມົນຕີ ຕີລາຄາສູງ ສິງກະໂປ ພ້ອມແລ້ວແບ່ງປັນບົດຮຽນອັນລ້ຳຄ່າກ່ຽວກັບການບໍລິຫານແຫ່ງລັດ, ພັດທະນາເສດຖະກິດ, ບຳລຸງສ້າງພະນັກງານ ກໍຄືການຮ່ວມມືສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສສາກົນ ແລະ ພາກພື້ນ. ທ່ານຮອງນາຍົກລັດຖະມົນຕີ ຟ້າມບິ່ງມິງ ຖືວ່າ: ໃນສະພາວະປະຊາຄົມ ອາຊຽນໄດ້ສ້າງຕັ້ງທ້າຍປີ 2015, ຫວຽດນາມ ແລະ ສິງກະໂປ ພວມຢືນ ຕໍ່ໜ້າບັນດາກາລະໂອກາດໃໝ່ ເພື່ອເພີ່ມທະວີສ້າງຄວາມໄວ້ເນື້ອເຊື່ອໃຈ, ເຮັດໃຫ້ພົວພັນຮ່ວມມືຢ່າງເລິກເຊິ່ງກ່ວາອີກ. ທ່ານຮອງນາຍົກລັດຖະມົນຕີ ເຊື່ອໝັ້ນວ່າ: 2 ປະເທດຈະເສີມຂະຫຍາຍຄວາມສາມາດບົ່ມຊ້ອນຂອງແຕ່ລະຝ່າຍກ່ວາອີກ, ການຮ່ວມມືນັບມື້ນັບແໜ້ນແຟ້ນ ແລະ ມີປະສິດທະຜົນ, ນຳການພົວພັນຄູ່ຮ່ວມມືຍຸດທະສາດ 2 ປະເທດຂຶ້ນສູ່ລະດັບສູງໃໝ່; ສືບຕໍ່ຮ່ວມແຮງຮ່ວມໃຈສ້າງປະຊາຄົມ ອາຊຽນ ໃຫ້ໝັ້ນຄົງ, ສາມັກຄີ ແລະ ຮ່ວມມື, ປະກອບສ່ວນຢ່າງຕັ້ງໜ້າເຂົ້າການຮັກສາສັນຕິພາບ, ສະຖຽນລະພາບ, ວັດທາະນາຖາວອນຢູ່ພາກພື້ນ ແລະ ໃນໂລກ.