ພາບປະກອບ
(vovworld) - ວັນທີ 20/7, ແມ່ນສະເຫຼີມສະຫຼອງ 60 ປີ ແຫ່ງວັນລົງນາມໃນສັນຍາເຊີແນວ 1954. ດ້ວຍສັນຍານີ້, ລັດຖະບານຝລັ່ງ ໄດ້ຮັບຮອງພື້ນຖານເອກະລາດ, ອະທິປະໄຕ ຜືນແຜ່ນດິນຄົບຖ້ວນຂອງຫວຽດນາມ ຢ່າງເປັນທາງການ ແລະ ຖອນທະຫານອອກຈາກຫວຽດນາມ. ຫວນຄືນເຫດການປະຫວັດສາດນີ້, ທ່ານລັດຖະມົນຕີການຕ່າງປະເທດ ຟ້າມບິ່ງມິງ ຖືວ່າ:
“ຢູ່ກອງປະຊຸມເຊີແນວ ພວກເຮົາໄດ້ເຮັດທຸກສິ່ງທຸກຢ່າງເພື່ອຮັບປະກັນຜົນປະໂຫຍດແຫ່ງຊາດ. ຜົນປະໂຫຍດສູງສຸດຂອງພວກເຮົາເວລານັ້ນແມ່ນບັງຄັບໃຫ້ສັດຕູຕ້ອງຮັບຮອງເອກະລາດ, ອະທິປະໄຕ ແລະ ຜືນແຜ່ນດິນຢ່າງຄົບຖ້ວນ. ນີ້ແມ່ນບົດຮຽນໃຫຍ່ສຸດ ແລະ ສຳຄັນທີ່ສຸດທີ່ໄດ້ຮັບການຖອດຖອນມາໄດ້ຈາກກອງປະຊຸມເຊີແນວ 1954 ກ່ຽວກັບການຢຸດຕິສົງຄາມຢູ່ຫວຽດນາມ. ນັບແຕ່ການເຄື່ອນໄຫວດ້ານການທູດໃນຊຸມປີ 1945-1946 ທີ່ເຕັມໄປດ້ວຍຄວາມລຳບາກ ແລະ ອັນຕະລາຍ ກໍ່ຄືໃນການຕໍ່ຕ້ານຕ້ານອາເມລິກາ, ບັນດາບົດຮຽນດັ່ງກ່າວໄດ້ຮັບການໝູນໃຊ້ ແລະ ໄດ້ປະກອບສ່ວນເຂົ້າກອງປະຊຸມປາຣີກ່ຽວກັບຫວຽດນາມໄລຍະ 1968-1973“.
ຕາມທ່ານ ຫງວຽນບ໋າບາວ, ພະນັກງານຫ້ອງການກະຊວງການຕ່າງປະເທດ ໄລຍະຕໍ່ຕ້ານຕ້ານຝລັ່ງແລ້ວ, ນີ້ກໍ່ແມ່ນບົດຮຽນສຳຄັນໃນວິວັດແຫ່ງການປົກປັກຮັກສາອະທິປະໄຕປະເທດຊາດ.
“ຍ້ອນມີຄວາມສາມັກຄີ, ກ່ອນອື່ນໝົດແມ່ນຂອງຊາດ, ທົ່ວປວງຊົນໄດ້ລຸກຂຶ້ນເພື່ອຕໍ່ສູ້, ນອກນັ້ນແມ່ນຄວາມສາມັກຄີກັບສາກົນ. ຖ້າບໍ່ມີຄວາມສາມັກຄີນັ້ນແມ່ນຍາກທີ່ຈະຮັບຜົນສຳເລັດໄດ້. ຂ້າພະເຈົ້າເຊື່ອໝັ້ນວ່າໃນສະພາບປະຈຸບັນ, ຍາມໃດພວກເຮົາກໍ່ໄດ້ຮັບຄວາມສະໜັບສະໜູນຈາກສາກົນ. ພວກເຮົາເດັດດຽວປົກປັກຮັກສາເອກະລາດ, ອະທິປະໄຕຂອງພວກເຮົາໄວ້ຢ່າງໝັ້ນຄົງ“.
60 ປີ ໄດ້ລ່ວງເລີຍໄປແລ້ວ, ແຕ່ສັນຍາປາຣີ 1954 ກ່ຽວກັບການຢຸດຕິສົງຄາມຢູ່ ຫວຽດນາມ ຍັງຄົງເປັນຂີດໝາຍອັນສະຫງ່າລາສີໃນປະຫວັດສາດດ້ານການທູດຂອງຫວຽດນາມ ແລະ ຍັງຄົງຮັກສາຄຸນຄ່າເດີມໃນກິດຈະການສ້າງສາ ແລະ ປົກປັກຮັກສາປະເທດຊາດໃນປະຈຸບັນຢູ່.