ລາຍການພົບປະແລກປ່ຽນສິລະປະ “ແຫ່ງຮັກສາວີນຍານຫວຽດ“
(vovworld) - ຕອນເຊົ້າວັນທີ 21/8, ຢູ່ສູນກະຈາຍສຽງແຫ່ງຊາດ 58 ກວ໋ານສື໋, ຮ່າໂນ້ຍ, ໄດ້ດຳເນີນລາຍການພົບປະແລກປ່ຽນສິລະປະ “ແຫ່ງຮັກສາວີນຍານຫວຽດ“ ເພື່ອແນໃສ່ສະແດງຄວາມຮູ້ບຸນຄຸນຕໍ່ບັນດານັກສິລະປິນ, ບັນນາທິການ, ນັກຮຽບຮຽງທີ່ໄດ້ປະກອບສ່ວນ, ອຸທິດສ່ວນໃຫ້ແກ່ລາຍການເພງແລະ ດົນຕີພື້ນເມືອງໃນຕະຫຼອດ 60 ປີຜ່ານມາ. ກ່າວຄວາມເຫັນຢູ່ທີ່ນີ້, ທ່ານ ຫງວຽນເທ໋ກີ, ຜູ້ອຳນວຍການໃຫຍ່ວິທະຍຸ ກະຈາຍສຽງ ຫວຽດນາມ, ໃຫ້ຮູ້ວ່າ, ລາຍການເພງແລະ ດົນຕີພື້ນເມືອງໄດ້ຕິດພັນກັບຜູ້ຟັງ ແລະ ແມ່ນພາກສ່ວນທີ່ຂາດບໍ່ໄດ້, ນັບມື້ນັບມີຄວາມສຳຄັນໃນຄື້ນກະຈາຍສຽງ ແຫ່ງຊາດຂອງ ວິທະຍຸ ກະຈາຍສຽງ ຫວຽດນາມ.
“ລາຍການເພງແລະ ດົນຕີພື້ນເມືອງ ຂອງ ວິທະຍຸ ກະຈາຍສຽງ ຫວຽດນາມ ໄດ້ອອກອາກາດເປັນເວລາ 60 ປີ. ນັ້ນແມ່ນການປະກອບສ່ວນຂອງບັນດານັກຮຽບຮຽງ, ນັກຄົ້ນຄ້ວາ, ນັກສິລະປິນ. ພວກຂ້າພະເຈົ້າຫວັງວ່າ, ໃນໄລຍະຈະມາເຖິງ, ພ້ອມກັບການປ່ຽນໃໝ່ຂອງ ວິທະຍຸ ກະຈາຍສຽງ ຫວຽດນາມ, ບັນດາ ລາຍການເພງ ແລະ ດົນຕີພື້ນເມືອງບໍ່ພຽງແຕ່ແມ່ນລາຍການທີ່ອອກອາກາດໃນຄື້ນກະຈາຍສຽງເທົ່ານັ້ນ, ຫາກຍັງໄດ້ອອກອາກາດທາງໂທລະພາບອີກດ້ວຍ. ຖ້າເຮັດໄດ້ຄືແນວນັ້ນ, ມັນຈະສ້າງຄວາມແຕກຕ່າງ, ເປັນຄຸນນະພາບ, ສ້າງຄວາມປະທັບໃຈໃນບັນດາ ລາຍການ ຂອງ ວິທະຍຸ ກະຈາຍສຽງ ຫວຽດນາມ“.
ດ້ວຍຫົວຂໍ້“ແຫ່ງຮັກສາວີນຍານຫວຽດ“, ຜູ້ຟັງບໍ່ພຽງແຕ່ໄດ້ພົບປະແລກປ່ຽນກັບບັນດານັກຂ່າວ, ບັນນາທິການ, ນັກດົນຕີເທົ່ານັ້ນ, ຫາກຍັງໄດ້ຮັບຟັງບັນດາທຳນອງເພງພື້ນເມືອງຂອງຊາດອີກດ້ວຍ, ເຊັ່ນ: ຂັບແຈ່ວ, ຂັບກາຍເລືອງ, ຂັບເຫວ໋ ແລະ ຂັບກວານຮໍ້ບັກນິງ.