(vovworld) – ພິທີສະເຫຼີມສະຫຼອງ 65 ປີແຫ່ງວັນມູນເຊື້ອສະຫະພັນບັນດາອົງການຈັດຕັ້ງມິດຕະພາບຫວຽດນາມ (17/11/1950 – 17/11/2015) ຖືກໄຂຂຶ້ນໃນຕອນເຊົ້າວັນທີ 16/11, ຢູ່ຮ່າໂນ້ຍ.
ກ່າວຄຳເຫັນທີ່ພິທີສະເຫຼີມສະຫຼອງ, ທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ ເນັ້ນໜັກວ່າ: ຜ່ານໄລຍະ 65 ປີແຫ່ງການພັດທະນາ, ບັນດາກຳລັງເຂົ້າຮ່ວມວຽກງານການຕ່າງປະເທດປະຊາຊົນ ເວົ້າລວມ ແລະ ສະຫະພັນບັນດາອົງການຈັດຕັ້ງມິດຕະພາບຫວຽດນາມ ເວົ້າສະເພາະ ໄດ້ມີການປະກອບສ່ວນຫຼາຍຢ່າງໃຫ້ແກ່ພາລະກິດປະຕິວັດ ທີ່ສະຫງ່າອົງອາດຂອງພັກ ແລະ ຊາດຫວຽດນາມ. ໃນສະພາບການໃໝ່, ສະພາບໂລກຍັງມີການຜັນແປຢ່າງສັບສົນ, ຍາກທີ່ຈະຄາດຄະເນໄດ້, ຫວຽດນາມ ພວມສືບຕໍ່ເຊື່ອມໂຍງເຂົ້າກັບສາກົນນັບມື້ນັບເລິກເຊິ່ງ, ກວ້າງຂວາງນັ້ນ, ວຽກງານການຕ່າງປະເທດປະຊາຊົນມີບົດບາດທີ່ຕັ້ງນັບມື້ນັບສຳຄັນໃນແນວໂຮມຕ່າງປະເທດ ແລະ ໃນພາລະກິດສ້າງສາ ແລະ ປົກປັກຮັກສາປະເທດຊາດ.
“ຕ້ອງຕັ້ງໜ້າເປັນເຈົ້າການເຂົ້າຮ່ວມຍຸດທະສາດດ້ານການທູດຢ່າງຮອບດ້ານ, ເສີມຂະຫຍາຍກຳລັງແຮງສັງລວມຂອງພື້ນຖານການທູດຫວຽດນາມ ທີ່ທັນສະໄໝຕາມແນວຄິດ ແລະ ຮູບແບບການທູດຂອງປະທານໂຮ່ຈິມິນ. ເຮັດແນວໃດເພື່ອໃຫ້ປະຊາຊົນໂລກເຂົ້າໃຈແຈ້ງກ່ຽວກັບປະເທດຊາດ, ມູນເຊື້ອ ແລະ ຊາວຫວຽດນາມ, ນະໂຍບາຍພົວພັນພາຍໃນ, ພົວພັນຕ່າງປະເທດຂອງພັກ ແລະ ລັດຫວຽດນາມ, ບັນດາຜົນງານຂອງພາລະກິດປ່ຽນໃໝ່ຂອງຫວຽດນາມ; ຕໍ່ສູ້, ຕ້ານການມ້າງທຳລາຍຂອງບັນດາກຳລັງທີ່ເປັນປໍລະປັກ, ຮັກສາສະພາບແວດລ້ອມສັນຕິພາບ ເພື່ອສ້າງສາ ແລະ ພັດທະນາປະເທດຊາດ”.