ສະເຫຼີມສະຫຼອງ70ປີແຫ່ງວັນການປະຕິວັດເດືອນ8ແລະວັນຊາດທີ 2/9ຢູ່ອັກຊັງຕີນ
ສະເຫຼີມສະຫຼອງ70ປີແຫ່ງວັນການປະຕິວັດເດືອນ8
ແລະ ວັນຊາດທີ 2/9 ຢູ່ອັກຊັງຕີນ
(ພາບ: Vietnam+)
(vovworld) - ວັນທີ 22/8, ສະຖານທູດຫວຽດນາມ ປະຈຳອັກຊັງຕີນ ແລະ ພັກກອມມູນິດອັກຊັງຕີນ ໄດ້ຈັດຕັ້ງພິທີສະເຫຼີມສະຫຼອງ 70 ປີ ແຫ່ງ ວັນການປະຕິວັດເດືອນ 8 ແລະ ວັນຊາດທີ 2/9 ຢູ່ອັກຊັງຕີນ. ກ່າວຄວາມເຫັນນະພິທີ, ທ່ານເອກອັກຄະລັດຖະທູດຫວຽດນາມ ປະຈຳອັກຊັງຕີນ ຫງວຽນດິ່ງທາວ ຢືນຢັນວ່າ, ການປະຕິວັດເດືອນ 8 ໄດ້ປຸກລະດົມຂະບວນການຕໍ່ສູ້ຂອງບັນດາຊາດທີ່ຖືກກົດຂີ່ຂູດຮີດ, ເປີດສາກສັງກາດແຫ່ງເອກະລາດ, ເສລີພາບ ແລະ ສັງຄົມນິຍົມໃນທົ່ວປະເທດຫວຽດນາມ. ທ່ານເອກອັກຄະລັດຖະທູດກໍ່ສຳຫຼວດກວດຄືນບັນດາຂີດໝາຍສຳຄັນຂອງການປະຕິວັດຫວຽດນາມ ກໍ່ຄືຍົກອອກບັນດາຜົນງານພັດທະນາເສດຖະກິດ ແລ ສັງຄົມຂອງປະຊາຊົນຫວຽດນາມ, ພິເສດແມ່ນພາລະກິດປ່ຽນໃໝ່ປະເທດຊາດ.