ສະເຫຼີມສະຫຼອງ75ປີແຫ່ງວັນປະທານໂຮ່ຈິມິນກັບເມືອປະເທດຊີ້ນຳການປະຕິວັດໂດຍກົງ (28/01/1941 – 28/01/2016)
ສະເຫຼີມສະຫຼອງ75ປີແຫ່ງວັນປະທານໂຮ່ຈິມິນ
ກັບເມືອປະເທດຊີ້ນຳການປະຕິວັດໂດຍກົງ
(ພາບ: TTXVN)
(vovworld) – ກ່ອນນີ້ 75 ປີິ, ວັນທີ 28/01/1941, ພາຍຫຼັງເຄື່ອນໄຫວຢູ່ຕ່າງປະເທດເປັນເວລາ 30 ປີ, ຜູ້ນຳ ຫງວຽນອ໋າຍກ໋ວກ ໄດ້ກັບເມືອຫາປະເທດ, ພ້ອມກັບສູນກາງພັກຊີ້ນຳນຳພາການປະຕິວັດປົດປ່ອຍຊາດໂດຍກົງ ດ້ວຍເປົ້າໝາຍແຖວໜ້າແມ່ນຍາດເອົາເອກະລາດມາໃຫ້ປະເທດຊາດ, ຍາດເອົາອຳນາດການປົກຄອງມາໃຫ້ປະຊາຊົນ. 75 ປີຜ່ານມາ, ເຫດການປະຫວັດສາດນີ້ຍາມໃດກໍມີຄຸນຄ່າອັນໃຫຍ່ຫຼວງ, ມີຄວາມຄວາມໝາຍເລິກເຊິ່ງສຳລັບວິວັດການປົກປັກຮັກສາ, ສ້າງສາ ແລະ ພັດທະນາປະເທດຊາດ. ເນື່ອງໃນໂອກາດນີ້, ບັນດາໜັງສືພິມໃຫຍ່ພາຍໃນປະເທດ ສະບັບອອກວັນທີ 28/01 ໄດ້ມີບັນດາບົດຂຽນທີ່ຢືນຢັນຄວາມໝາຍປະຫວັດສາດຂອງເຫດການນີ້. ບົດຂຽນ “ຖືຜົນປະໂຫຍດຂອງປະເທດຊາດເປັນສຳຄັນຍິ່ງ” ທີ່ລົງພິມໃນໜັງສືພິມໄຊ່ງ່ອນຢາຍຟ໋ອງ (ປົດປ່ອຍໄຊ່ງ່ອນ) ຢືນຢັນວ່າ ເຫດການຜູ້ນຳ ຫງວຽນອ໋າຍກ໋ວກ ກັບເມືອປະເທດເມື່ອລະດູບານໃໝ່ປີ 1941 ໄດ້ຕອບສະໜອງຄວາມຮຽກຮ້ອງພາວະວິໄສຂອງຂະບວນການປະຕິບັດພາຍໃນປະເທດ ແລະ ການພັດທະນາຂອງປະຫວັດສາດແຫ່ງການຕໍ່ສູ້ຍາດເອົາເອກະລາດ, ປົດປ່ອຍຊາດຫວຽດນາມ. ບົດຂຽນກໍຊີ້ໃຫ້ເຫັນວ່າ, ຄຳຕັດສິນຂອງຜູ້ນຳ ຫງວຽນອ໋າຍກ໋ວກ ເມື່ອກັບເມືອປະເທດພາຍຫຼັງ 3 ທົດສະວັດທີ່ໄປຊອກຫາເສັ້ນທາງກູ້ຊາດ ກໍ່ແມ່ນພື້ນຖານສຳຄັນເພື່ອໃຫ້ຫວຽດນາມ ປັບປຸງການພົວພັນກັບບັນດາປະເທດພັນທະມິດ ຕ້ານຄືນລັດຖິຟາດສິດ ກໍ່ຄືຍາດແຍ່ງເອົາການສະໜັບສະໜູນ, ການຊ່ວຍເຫຼືອຂອງຫຼາຍປະເທດສຳລັບການຕໍ່ສູ້ປົດປ່ອຍຊາດຫວຽດນາມ ໃນກິດຈະການລູກຮື້ຂຶ້ນຍາດເອົາອຳນາດການປົກຄອງ ແລະ ການປະຕິວັດເດືອນສິງຫາ. ສ່ວນໃນໜັງສືພິມ ກວນໂດຍເຍີນເຢີນ (ກອງທັບປະຊາຊົນ) ມີບົດ “ຂີດໝາຍປະຫວັດສາດກ່ຽວກັບບາດລ້ຽວຂອງການປະຕິວັດຫວຽດນາມ”, ໃນນັ້ນໄດ້ຫວນຄືນບັນດາຈຸດເວລາພິເສດໃນວິວັດແຫ່ງການເຄື່ອນໄຫວປະຕິວັດຂອງຜູ້ນຳ ຫງວຽນອ໋າຍກ໋ວກ ແຕ່ປີ 1941 ຮອດປີ 1944. ຜ່ານບັນດາເຫດການ, ອາດຈະເຫັນໄດ້ບົດບາດສຳຄັນ ແລະ ບັນດາລັດຖະນະໂຍບາຍຢ່າງຖືກຕ້ອງຂອງຜູ້ນຳ ຫງວຽນອ໋າຍກ໋ວກ (ປະທານໂຮ່ຈິມິນ ໃນປະຈຸບັນ) ບົນເສັ້ນທາງຊີ້ນຳນຳພາການຕໍ່ສູ້ປະຕິວັດຂອງຫວຽດນາມ.