ສະເຫຼີມສະຫຼອງວັນປົດປ່ອຍນະຄອນຫລວງແລະກອງ
ປະຊຸມໃຫຍ່ສະມາຄົມຊາວຮ່າໂນ້ຍປະຈຳເຢຍລະມັນ
(vovworld) - ສະມາຄົມຊາວ ຮ່າໂນ້ຍ ປະຈຳ ເຢຍລະມັນ ຫາກໍຈັດຕັ້ງພິທີສະເຫຼີມສະຫຼອງວັນປົດປ່ອຍນະຄອນຫລວງ ແລະ ກອງປະຊຸມໃຫຍ່ຄັ້ງທີ 4 ອາຍຸການ 2016 – 2018 ຂອງສະມາຄົມຊາວ ຮ່າໂນ້ຍ ປະຈຳ ເຢຍລະມັນ. ໃນຊຸມປີຜ່ານມາ, ສະມາຄົມຊາວ ຮ່າໂນ້ຍ ປະຈຳ ເຢຍລະມັນ ໄດ້ຮັບຕີລາຄາວ່າແມ່ນໜຶ່ງໃນບັນດາສະມາຄົມທີ່ມີການເຄື່ອນໄຫວຢ່າງຕັ້ງໜ້າໃນປະຊາຄົມ. ກ່າວຄຳເຫັນເນື່ອງໃນໂອກາດນີ້, ທ່ານ ດ່ວານຊວນຮຶງ ເອກອັກຄະລັດຖະທູດ ຫວຽດນາມ ປະຈຳ ສ.ສະຫະພັນ ເຢຍລະມັນ ຖືວ່າ: ບັນດາການເຄື່ອນໄຫວນີ້ ທັງຊ່ວຍເຫຼືອແບ່ງປັນກັບຜູ້ປະສົບກັບຄວາມຫຍຸ້ງຍາກ, ທັງຊ່ວຍພໍ່ແມ່ປະຊາຊົນມຸ່ງຫວັງຫາບ້ານເກີດເມືອງນອນ, ທັງສະໜິດຕິດພັນພໍ່ແມ່ປະຊາຊົນຊາວ ຮ່າໂນ້ຍ ຢູ່ ເຢຍລະມັນ ໃຫ້ມີຄວາມສາມັກຄີກ່ວາອີກ ແລະ ເຊື່ອມໂຍງດີກ່ວາ ຢູ່ ເຢຍລະມັນ. ທ່ານເອກອັກຄະລັດຖະທູດ ສະແດງຄວາມປາດຖະນາວ່າ ສະມາຄົມຈະສືບຕໍ່ເສີມຂະຫຍາຍບັນດາຈຸດດີ, ສາມັກຄີກ່ວາອີກ ເພື່ອສ້າງສະມາຄົມຊາວ ຮ່າໂນ້ຍ ໃຫ້ກາຍເປັນໜຶ່ງໃນບັນດາສະມາຄົມ ເຂັ້ມແຂງທີ່ສຸດຂອງຊາວ ຫວຽດນາມ ຢູ່ ສ.ສະຫະພັນ ເຢຍລະມັນ.