ພິທີສະເຫຼີມສະຫຼອງ ວັນເອີລົບ ຢູ່ຫວຽດນາມ
(ພາບ: VGP/DinhNam)
(vovworld)- ພິທີສະເຫຼີມສະຫຼອງ ວັນເອີລົບ ຢູ່ຫວຽດນາມ ໂດຍຄະນະຜູ້ແທນ ສະຫະພາບເອີລົບ (EU) ປະຈຳ ຫວຽດນາມ ຈັດຂື້ນໃນຕອນຄ່ຳວານນີ້, ຢູ່ ຮ່າໂນ້ຍ, ໂດຍມີການເຂົ້າຮ່ວມຂອງ ທ່ານ ຮອງນາຍົກລັດຖະມົນຕີ ວູດຶກດາມ, ການນຳກະຊວງການຕ່າງປະເທດ ພ້ອມດ້ວຍເອກອັກຄະລັດຖະທູດ, ອຸປະທູດ, ຫົວໜ້າຜູ້ຕາງໜ້າບັນດາອົງການຈັດຕັ້ງສາກົນ ຢູ່ ຮ່າໂນ້ຍ. ກ່າວຄວາມເຫັນ ທີ່ພິທີສະເຫຼີມສະຫຼອງ, ທ່ານ Bruno Angelet ເອກອັກຄະລັດຖະທູດ, ຫົວໜ້າຄະນະຜູ້ແທນ EU ປະຈຳ ຫວຽດນາມ ເນັ້ນໜັກວ່າ ໃນຊຸມປີມໍ່ໆມານີ້, ການພົວພັນ EU-ຫວຽດນາມ ມີບາດກ້າວພັດທະນາຢ່າງເລິກເຊິ່ງ ກ້ວາງຂວາງໃນທຸກຂົງເຂດເສດຖະກິດ, ການເມືອງ ແລະ ການແລກປ່ຽນວັດທະນະທຳ. ການສະນັບສະໜູນ, ໜູນຊ່ວຍ ຂອງບັນດາປະເທດສະມາຊິກ ແລະ ບັນດາອົງການຂື້ນກັບ EU ໃນຫຼາຍຂົງເຂດ, ຢູ່ແຂວງ, ນະຄອນເກືອບທັງໝົດ ຢູ່ຫວຽດນາມ ນັບແຕ່ການບໍລິຫານລັດ ເຖິງດ້ານສາທາລະນະສຸກ ແລະ ການສຶກສາ, ຍຸດຕິທຳ, ກະສິກຳ, ພື້ນຖານໂຄງຮ່າງ. ປັດຈຸບັດ EU ເປັນຄູ່ຮ່ວມມືດ້ານການຄ້າ, ການລົງທຶນແຖວໜ້າ ທັງເປັນຜູ້ສະໜອງທຶນຊ່ວຍເຫຼືອລ້າ ທີ່ໃຫຍ່ສຸດ ຂອງຫວຽດນາມ. ສຳລັບເລື່ອງຮັກສາ, ການພົບປະ, ແລກປ່ຽນຄະນະຜູ້ແທນຂັ້ນສູງ, ເປີດ ກ້ວາງບັນດາຂົງເຂດການຮ່ວມມື, ການພົວພັນ ຫວຽດນາມ ກັບ EU ເວົ້າລວມ ແລະ ບັນດາປະເທດສະມາຊິກ ເວົ້າສະເພາະ ກໍ່ສືບຕໍ່ມີບາດກ້າວຕັ້ງໜ້າຫຼາຍຢ່າງ, ນັບມື້ນັບເຂົ້າສູ່ລວງເລິກ.