ທ່ານ ໂຮ່ແອງຢຸງ, ປະທານຄະນະກຳມະ
ການສາມັກຄີກັບປະຊາຊົນ ປາແລັດສະຕິນ
(ພາບ: DCSVN)
(vovworld) – ວັນທີ 22/12, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ, ຄະນະກຳມະການສາມັກຄີ ຫວຽດນາມ ກັບປະຊາຊົນ ປາແລັດສະຕິນ ແລະ ສະມາຄົມມິດຕະພາບ ຫວຽດນາມ - ປາແລັດສະຕິນ ນະຄອນຮ່າໂນ້ຍ ສົມທົບກັນຈັດຕັ້ງພິທີສະເຫຼີມສະຫຼອງວັນສາມັກຄີສາກົນກັບປະຊາຊົນປາແລັດສະຕິນ. ທີ່ພິທີ, ທ່ານ Youssouf Abdel – Jelil, ຜູ້ວ່າການປະສານງານຂອງສະຫະປະຊາຊາດ ປະຈຳ ຫວຽດນາມ ໄດ້ສົ່ງສານຂອງທ່ານເລຂາທິການໃຫຍ່ສະຫະປະຊາຊາດ Ban – Ki – Moon ກ່ຽວກັບວັນສາມັກຄີສາກົນກັບປະຊາຊົນ ປາແລັດສະຕິນ. ທ່ານ ໂຮ່ແອງຢຸງ, ປະທານຄະນະກຳມະການສາມັກຄີກັບປະຊາຊົນ ປາແລັດສະຕິນ ໄດ້ສະແດງການສະໜັບສະໜູນ, ນ້ຳໃຈສາມັກຄີຂອງປະຊາຊົນກັບການຕໍ່ສູ້ອັນເປັນທຳຂອງປະຊາຊົນ ປາແລັດສະຕິນ. ທ່ານ ໂຮ່ແອງຢຸງ ໃຫ້ຮູ້ວ່າ: ການພົວພັນມິດຕະພາບອັນສະໜິດຕິດພັນທີ່ເປັນມູນເຊື້ອລະຫວ່າງ ຫວຽດນາມ ແລະ ປາແລັດສະຕິນ ແມ່ນພື້ນຖານສຳຄັນ ເພື່ອຊຸກຍູ້ບັນດາການພົວພັນດ້ານເສດຖະກິດ ແລະ ການຄ້າລະຫວ່າງ 2 ປະເທດ. ສ່ວນທ່ານເອກອັກຄະລັດຖະທູດ Saadi Salama ຢືນຢັນວ່າ: ນ້ຳໃຈສາມັກຄີ ແລະ ມິດຕະພາບຂອງປະຊາຊົນ ຫວຽດນາມ ທີ່ສະຫງວນໃຫ້ພາລະກິດຕໍ່ສູ້ອັນຊອບທຳຂອງປະຊາຊົນ ປາແລັດສະຕິນ ໃນຕະຫລອດຫລາຍທົດສະວັດຜ່ານມາ ໄດ້ກາຍເປັນແຫຼ່ງກຳລັງໜູນອັນໃຫຍ່ຫລວງ ປະກອບສ່ວນປັບປຸງສາຍພົວພັນເພື່ອນມິດພິເສດນີ້.