ທ່ານຟ້າມຊວນເຊີນ, ເອກອັກຄະລັດຖະທູດ
ຫວຽດນາມ ປະຈຳລັດເຊຍ
(ພາບ:gvn.com.vn)
(VOV)- ຕອນບ່າຍວັນທີ 20/12, ຢູ່ມົດສະກູ, ສະຖານທູດຫວຽກນາມ ສົມທົບກັບສະມາຄົມຊາວຫວຽດນາມ ຢູ່ລັດເຊຍ ໄດ້ຈັດພິທີສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 68 ປີ (22/12/1944-22/12/2012) ແລະ ໄຊຊະນະ “ດ້ຽນບຽນຝູທາງອາກາດ“ ຄົບຮອບ 40 ປີ ຢູ່ລັດເຊຍ ແລະ ວັນບຸນທົ່ວປວງຊົນປ້ອງກັນຊາດຄົບຮອບ 23 ປີ. ນະພິທີ, ທ່ານຟ້າມຊວນເຊີນ, ເອກອັກຄະລັດຖະທູດຫວຽດນາມ ປະຈຳລັດເຊຍ ເນັ້ນໜັກວ່າ: ໃນການຕໍ່ຕ້ານຕ້ານຈັກກະພັດອາເມລິກາເພື່ອກູ້ຊາດຂອງຫວຽດນາມ, ປະເທດໂຊວຽດເກົ່າ, ປະຈຸບັນແມ່ນສະຫະພັນລັດເຊຍ ໄດ້ສະຫງວນໃຫ້ແກ່ປະຊາຊົນຫວຽດນາມ ການຊ່ວຍເຫຼືອ ແລະ ການສະໜັບສະໜູນອັນໃຫ່ຍຫຼວງ, ມີປະສິດທິຜົນທັງດ້ານວັດຖຸ ແລະ ຈິດໃຈ, ໄດ້ສົ່ງບັນດາຜູ້ດີເດັ່ນມາຫວຽດນາມສັ່ງສອນອົບຮົມໂດຍກົງ ແລະ ຮຽງບ່າຮຽງໄລ່, ແບ່ງປັນຄວາມທຸກຍາກກັບກອງທັບປະຊາຊົນຫວຽດນາມ, ປະກອບສ່ວນສຳຄັນສ້າງເປັນໄຊຊະນະທີ່ມີຄວາມໝາຍຂອງຊາດ ແລະ ຍຸກສະໄໝຢ່າງເລິກເຊິ່ງ. ທ່ານປາດຖະໜາວ່າ, ປະຊາຄົມຊາວຫວຽດນາມ ຢູ່ລັດເຊຍ ຈະສືບຕໍ່ເສີມຂະຫຍາຍມູນເຊື້ອສາມັກຄີ ແລະ ຊ່ວຍເຫຼືອຊື່ງກັນ ແລະ ກັນໃນການປະຕິບັດວຽກງານ, ຮ່ຳຮຽນ ແລະ ດຳເນີນທຸລະກິດ, ມຸ້ງໄປສູ່ປະເທດຊາດ, ປະກອບສ່ວນເພີ່ມພູນຄູນສ້າງ ແລະ ພັດທະນານ້ຳໃຈມິດຕະພາບອັນເປັນມູນເຊື້ອຍາວນານ ແລະ ການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ສະຫະພັນລັດເຊຍ.