(vovworld) - ຕອນບ່າຍວັນທີ 14/11 ຢູ່ ຮ່າໂນ້ຍ, ກະຊວງສຶກສາ ແລະ ບຳລຸງສ້າງ ຫວຽດນາມ ໄດ້ຈັດຕັ້ງພິທີສະເຫລີມສະຫລອງ 30 ປີແຫ່ງວັນຄູ ແລະ ມອບນາມະຍົດຄູປະຊາຊົນ, ຄູດີເດັ່ນ 2012. ກ່າວຄຳເຫັນນະພິທີ, ທ່ານຮອງປະທານປະເທດຫວຽດນາມ Nguyen Thi Doan ຊີ້ແຈງວ່າ ຕໍ່ຫນ້າຄຳຮຽກຮ້ອງຕ້ອງການໃຫມ່ໃນການພັດທະນາປະເທດຊາດ, ຫນ້າທີ່ຂອງຂະແຫນງສຶກສາ ແລະ ບຳລຸງສ້າງແມ່ນຫນັກຫນ່ວງກວ່າ, ຮຽກຮ້ອງໃຫ້ຄູອາຈານຕ້ອງຝຶກຝົນຫລໍ່ຫລອມກ່ຽວກັບຄຸນນະທາດດ້ານການເມືອງ, ຈັນຍາທຳວິຊາຊະເພາະເພື່ອກາຍເປັນແບບຢ່າງໃຫ້ແກ່ນັກຮຽນ. ທ່ານນາງຮອງປະທານປະເທດ Nguyen Thi Doan ສະເຫນີວ່າ:
“ຄູອາຈານ, ພະນັກງານບໍລິຫານການສຶກສາແຕ່ລະຄົນ ກ່ອນອື່ນໝົດແມ່ນບັນດາຄູ ປະຊາຊົນ, ຄູດີເດັ່ນຕ້ອງເປັນແບບຢ່າງກ່ຽວກັບຄຸນສົມບັດ, ຈິດໃຈຮຳ່ຮຽນດ້ວຍຕົນເອງ ແລະ ມີຫົວຄິດປະດິດສ້າງ, ມີລະດັບຄວາມຮູ້ ແລະ ກຳລັງຄວາມສາມາດ, ເມົາມົວກັບອາຊີບ, ມີຄວາມເອົາໃຈໃສ່ ຮັກແພງລຸ້ນຫນຸ່ມ, ສຸດຈິດສຸດໃຈກັບວຽກງານເພື່ອປ່ຽນໃຫມ່ເນື້ອໃນ ແລະ ວິທີສິດສອນ, ພັດທະນາຈິນຕະນາການ, ພູມປັນຍາໃຫ້ແກ່ນັກຮຽນ. ນີ້ບໍ່ພຽງແຕ່ແມ່ນຄຳຮຽກຮ້ອງຕ້ອງການເທົ່ານັ້ນຫາກຍັງແມ່ນມາດຕະຖານໃນການແຂ່ງຂັນສຳລັບພະນັກງານເຮັດວຽກງານສຶກສາໃນໄລຍະຍູ້ແຮງການຫັນປະເທດຊາດເປັນປະເທດອຸດສາຫະກຳ ແລະ ທັນສະໄຫມອີກດ້ວຍ.”