ທີ່ພິທີສະເຫລີມສະຫລອງ 50 ປີ ແຫ່ງວັນມູນເຊື້ອຂອງຂະແຫນງປະຊາກອນ ແລະ ການວາງແຜນຄອບຄົວ ຊຶ່ງດຳເນີນໄປໃນຕອນເຊົ້າວັນທີ 20/12 ຢູ່ ຮ່າໂນ້ຍ, ທ່ານປະທານປະເທດຫວຽດນາມ ເຈືອງເຕີນຊາງ ໄດ້ຮັບຮູ້ບັນດາຜົນງານຂອງວຽກງານປະຊາກອນ ການວາງແຜນຄອບຄົວ ໄດ້ປະກອບສ່ວນອັນໃຫຍ່ຫລວງ ເຂົ້າໃນການພັດທະນາເສດຖະກິດ ສັງຄົມ, ປະຕິບັດບັນດາຈຸດໝາຍພັດທະນາສະຫັດສະວັດຢ່າງມີໄຊ, ປົວແປງຊີວິດການເປັນຢູ່ຂອງປະຊາຊົນ, ເພີ່ມລາຍຮັບສະເລ່ຍໃສ່ຫົວຄົນ, ຫລຸດຜ່ອນສະພາບທຸກຍາກອຶດຫິວ, ປະກອບສ່ວນໃຫ້ແກ່ການພັດທະນາແບບຍື່ນຍົງຂອງປະເທດຊາດ. ກ່າວຄຳເຫັນນະທີ່ນີ້, ທ່ານນາງ ຫງວຽນທີິກີມຕຽນ ລັດຖະມົນຕີກະຊວງສາທາລະນະສຸກຫວຽດນາມ ຖືວ່າ:
“ວຽກງານປະຊາກອນ ການວາງແຜນຄອບຄົວ ຢູ່ ຫວຽດນາມ ກາຍເປັນບັ້ນຂົນຂວາຍຄັ້ງໃຫຍ່. ບັນດາໝາກຜົນບັນລຸໄດ້ຂອງຂະແຫນງປະຊາກອນ ການວາງແຜນຄອບຄົວ ໄດ້ປະກອບສ່ວນຢ່າງໃຫຍ່ຫລວງເຂົ້າໃນການພັດທະນາເສດຖະກິດ ສັງຄົມ, ຍົກສູງລາຍຮັບສະເລ່ຍໃສ່ຫົວຄົນ, ຍົກສູງຄຸນນະພາບແຫລ່ງກຳລັງແຮງ, ຄຸນນະພາບຊີວິດການເປັນຢູ່ຂອງປະຊາຊົນແຕ່ລະຄົນ, ແຕ່ລະຄອບຄົວ ແລະ ທົ່ວສັງຄົມ“