ທ່າກຳປັ່ນ ຍ່າໂຣ່ງ, ສະຖານທີ່ຊື່ງ ທ່ານປະທານໂຮ່ຈິມີນເດີນທາງ
ອອກຈາກປະເທດໄປຊອກຫາເສັ້ນທາງກູ້ຊາດ
|
(vovworld)-ຕອນເຊົ້າວັນທີ 5/6, ຢູ່ຫໍພິພິດທະພັນໂຮ່ຈິມີນ, ສາຂານະຄອນໂຮ່ຈິມີນ, ໄດ້ຈັດຕັ້ງພິທີສະເຫລີມສະຫລອງ 102 ປີແຫ່ງວັນປະທານໂຮ່ຈິມີນ ເດີນທາງອອກຈາກປະເທດໄປຊອກຫາເສັ້ນທາງກູ້ຊາດ (5/6/1911- 5/6/2013). ເຂົ້າຮ່ວມພິທີ ມີການນຳຄະນະພັກ, ສະພາປະຊາຊົນ, ຄະນະກຳມະການປະຊາຊົນນະຄອນໂຮ່ຈິມີນ, ຄະນະກຳມະການແນວໂຮມປະເທດຊາດ, ພະແນກ, ຂະແຫນງການ, ນັກປະຕິວັດອະວຸໂສ, ແມ່ຫວຽດນາມວິລະຊົນພ້ອມດ້ວຍປະຊາຊົນນະຄອນເປັນຈຳນວນຫລວງຫລາຍ. ນະພິທີ, ບັນດາຜູ້ແທນເຂົ້າຮ່ວມໄດ້ພ້ອມກັນຖະຫວາຍທູບທຽນອາໄລຫາປະທານໂຮ່ຈິມີນ ແລະ ພ້ອມກັນຢືນຢັນວ່າ: ໄລຍະທາງແຫ່ງການຊອກຫາເສັ້ນທາງກູ້ຊາດຂອງປະທານໂຮ່ຈິມີນແມ່ນສັນຍາລັກໃຫ້ແກນ້ຳໃຈຮັກຊາດ, ບໍ່ຍອມຈຳນົນ ແລະ ຄວາມມຸ້ງມາດປາດຖະຫນາຍາດເອົາເອກະລາດເສລິພາບມາໃຫ້ປະເທດຊາດ. ອ້າຍເລດືກເຫງຍ ສະມາຊີກຊາວຫນຸ່ມບໍລິສັດຂົນຖ່າຍສິນຄ້າ ແລະ ບໍລິການຫຸ້ນສ່ວນທ່າກຳປັ່ນ ໄຊງ່ອນ, ຕາງຫນ້າໃຫ້ລຸ້ນຫນຸ່ມນະຄອນໂຮ່ຈິມີນ ເວົ້າວ່າ:
“ໂດຍແມ່ນຊາວນະຄອນໂຮ່ຈິມີນຜູ້ຫນຶ່ງ ພວກຂ້າພະເຈົ້າມີຄວາມເອກອ້າງທະນົງໃຈທີ່ໄດ້ກຳເນີດຢູ່ນະຄອນໃສ່ຊື່ຂອງລຸງໂຮ່ທີ່ແສນເຄົາລົບຮັກ. ໄວຫນຸ່ມນະຄອນໂຮ່ຈິມີນ ແລະ ໄວຫນຸ່ມທ່າກຳປັ່ນ ໄຊງ່ອນ ສູ້ຊົນສ້າງວັດທະນະທຳວິສາຫະກິດ ແລະ ປະຕິບັດການປະຢັດຕ້ານການຟຸມເຟືອຍ ແລະ ຍາມໃດກໍປະຈັນບານ ນຳຫນ້າເພື່ອສືບທອດມູນເຊື້ອຂອງລຸ້ນພໍ່ລຸ້ນອ້າຍເພື່ອສ້າງສານະຄອນໃຫ້ຂຽວສະອາດ ສວຍງາມແລະ, ສີວິໄລ”