ທ່ານ ດີງເທຮີງ, ຜູ້ປະຈຳຄະນະເລຂາສູນກາງພັກ
ພາບ:tuyengiao.vn
|
(vovworld)- ກ່າວຄຳເຫັນທີ່ພິທີສະເຫລີມສະຫລອງ 20 ປີແຫ່ງວັນສ້າງຕັ້ງສະພາວິທະຍາສາດບັນດາອົງການພັກສູນກາງ ຊື່ງຈັດຂຶ້ນຢູ່ ຮ່າໂນ້ຍ ໃນຕອນເຊົ້າວັນທີ 4/6, ທ່ານ ດີງເທຮີງ, ຜູ້ປະຈຳຄະນະເລຂາສູນກາງພັກກອມມູນິດຫວຽດນາມ ໄດ້ຢືນຢັນວ່າ: ໃນ 20 ປີຜ່ານມາ, ສະພາວິທະຍາສາດບັນດາອົງການສູນກາງ ໄດ້ສູ້ຊົນຢ່າງບໍ່ຢຸດຢັ້ງ, ສຳເລັດຫນ້າທີ່ທີ່ໄດ້ຮັບການມອບໝາຍ, ກາຍເປັນອົງການທີ່ມີຄວາມໄວ້ເນື້ອເຊື່ອໃຈ, ເຕົ້າໂຮມ, ເສີມຂະຫຍາຍພູມປັນຍາຂອງບັນດາຄະນະ, ອົງການພັກຂອງສູນກາງ, ປະຕິບັດວຽກງານເສນາທິການຍຸດທະສາດເປັນຢ່າງດີ, ຊ່ວຍຄະນະບໍລິຫານງານສູນກາງ, ກົມການເມືອງ, ຄະນະເລຂາສູນກາງພັກ ກຳນົດທິດທາງ, ແຜນນະໂຍບາຍ.
“ສະພາວິທະຍາສາດບັນດາອົງການພັກສູນກາງ ຄວນບູລະນະການຈັດຕັ້ງໂດຍໄວ, ສ້າງພາລະບົດບາດ, ຫນ້າທີ່ໃຫ້ສົມບູນແບບ, ປ່ຽນໃຫມ່ເນື້ອໃນວິທີການເຄື່ອນໄຫວ. ພ້ອມທັງກຳນົດທິດ, ສຸມໃສ່ຄົ້ນຄ້ວາບັນດາບັນຫາທີ່ຈຳເປັນພວມວາງອອກໃນພຶດຕິກຳ, ສະຫນອງບັນດາຫລັກມູນດ້ານວິທະຍາສາດເພື່ອປະກອບສ່ວນຍົກສູງຄຸນນະພາບ, ປະສິດທິຜົນເສນາທິການຂອງບັນດາຄະນະ, ອົງການພັກສູນກາງ.”