ພາບເອກະສານ
|
(vovworld)- ວັນທີ 4/8, ຢູ່ ນະຄອນ ຫາຍຟ່ອງ, ເຫລົ່າທັບກອງທັບເຮືອຫວຽດນາມ ໄດ້ຈັດຕັ້ງພິທີສະເຫລີມສະຫລອງ 50 ປີແຫ່ງວັນຕີເອົາຊະນະໃນບັ້ນຮົບທຳອິດຂອງ ກອງທັບປະຊາຊົນ ຫວຽດນາມ ແລະ ຂອງກອງທັບ, ປະຊາຊົນພາກເຫນືອ ຫວຽດນາມ (ວັນທີ 2 ແລະ ວັນທີ 5/8/1964). ທີ່ພິທີສະເຫລີມສະຫລອງ, ພົນເອກ ຟຸ່ງກວາງແທງ, ລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ມອບຫນ້າທີ່ໃຫ້ແກ່ແກ່ເຫຼົ່າທັບກອງທັບເຮືອວ່າ:
“ພະນັກງານ, ນັກຮົບໃນເຫຼົ່າທັບເຮືອ ຄວນສືບຕໍ່ມີຄວາມຮັບຮູ້ຢ່າງເລິກເຊິ່ງ ກວ່າອີກ ກ່ຽວກັບທ່ີຕັ້ງຍຸດທະສາດຂອງທະເລ, ໝູ່ເກາະ ໃນພາລະກິດສ້າງສາ ແລະ ປົກປັກຮັກສາປະເທດຊາດ. ຍົກສູງສະຕິລະວັງຕົວ, ກຽມພ້ອມຮັບ ແລະ ສຳເລັດທຸກຫນ້າທີ່ທີ່ໄດ້ຮັບການມອບໝາຍ. ກຳແຫນ້ນທັດສະນະ, ແຜນນະໂຍບາຍຂອງພັກ ແລະ ລັດໃນການແກ້ໄຂບັນດາຄວາມຂັດແຍ້ງຢູ່ທະເລ, ຕ້ອງປົກປັກຮັກສາອະທິປະໄຕຂອງປະເທດຊາດຢ່າງໝັ້ນຄົງ, ແຕ່ຕ້ອງຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບຂອງປະເທດຊາດ ເພື່ອສຸມໃສ່ພັດທະນາເສດຖະກິດ, ສັງຄົມ, ຍົກສູງຊີວິດທາງດ້ານຊີວິດຂອງປະຊາຊົນ, ຮັກສາການພົວພັນມິດຕະພາບກັບບັນດາປະເທດບ້ານໃກ້ເຮືອນຄຽງ.”