ພາບເອກະສານ
|
(vovworld)- ວັນທີ 3/8, ຢູ່ເຂດທະເລປະຫວັດສາດ ເກືອລູກ ເທດສະບານ ບາຍໄຈ ນະຄອນ ຮ້າລອງ ແຂວງ ກວ໋າງນີງ, ເຫຼົ່າທັບເຮືອກອງທັບເຮືອຫວຽດນາມ ໄດ້ຈັດຕັ້ງພິທີອາໄລຫາບັນດາວິລະຊົນ, ນັກຮົບ ແລະ ປະຊາຊົນທີ່ເສຍສະຫລະຊີວິດເພື່ອຊາດໃນບັ້ນຮົບທຳອິດເພື່ອຂັບໄລ່ກຳປັ່ນ Maddox ແລະ ຕີຕອບໂຕ້ເຮືອບິນຮຸກຮານຂອງອາເມລິກາໃນ ວັນທີ 2 ແລະ ທີ 5/8/1964. ນີ້ແມ່ນໄຊຊະນະໃນບັ້ນຮົບທຳອິດຂອງກຳລັງທະຫານເຮືອປະຊາຊົນຫວຽດນາມ, ຂອງກອງທັບ ແລະ ປະຊາຊົນພາກເຫນືອຫວຽດນາມໃນສົງຄາມທຳລາຍພາກເຫນືອຫວຽດນາມ ຂອງຈັກກະພັດອາເມລິກາ. ກ່ອນຫນ້ານັ້ນ,ໃນຕອນຄຳ່ວັນທີ 2/8, ຢູ່ ແຂວງ ກວ໋າງນິງ ກໍໄດ້ດຳເນີນລາຍການສະແດງສິລະປະ “ສະເຫລີມສະຫລອງເຫດການໄຊຊະນະໃນບັ້ນຮົບທຳອິດ”. ກ່າວຄຳເຫັນທ່ີລາຍການດັ່ງກ່າວ, ພົນເຮືອຕີ ດີງຢາເທີດ ຢືນຢັນວ່າ:
“ໄຊຊະນະບັ້ນຮົບທຳອິດຂອງກອງທັບເຮືອປະຊາຊົນຫວຽດນາມ ແລະ ກອງທັບ, ປະຊາຊົນພາກເຫນືອຫວຽດນາມ ໄດ້ສ້າງການຫັນປ່ຽນຢ່າງເລິກເຊິ່ງກ່ຽວກັບທັງສອງຝ່າຍ. ນັ້ນແມ່ນປ່ຽນແປງທາງດ້ານຈິດໃຈ ແລະ ເຈດຈຳນົງ. ເຖິງວ່າ ກຳປັ່ນຮົບ ແລະ ເຮືອບິນຂອງສັດຕູທັນສະໄຫມທີ່ສຸດ ແຕ່ບັນດາກຳລັງກອງທັບເຮືອຂອງຫວຽດນາມ ໄດ້ສົມທົບກັບບັນດາກຳລັງ, ກອງທັບ ແລະ ປະຊາຊົນພາກເຫນືອ ໄດ້ອົງອາດກ້າຫານຕີເອົາຊະນະສັດຕູ, ຂັບໄລ່ກຳປັ່ນ Maddox ອອກຈາກເຂດທະເລຂອງຫວຽດນາມ. ”