ສະເຫລີມສະຫລອງ60ປີແຫ່ງວັນຕ້ອນຮັບປະຊາຊົນ
ພາກໃຕ້ມາເຕົ້າໂຮມຢູ່ພາກເຫນືອ
photo:thanhtra.com.vn
|
(vovworld)- ກ່ອນນີ້ 60 ປີເຕັມ, ພາຍຫລັງສັນຍາ ເຊີແນວ ກ່ຽວກັບການສ້າງສັນຕິພາບຄືນໃຫມ່ຢູ່ ອິນດູຈີນ ໄດ້ຮັບການລົງນາມ, ທ່ານປະທານ ໂຮ່ຈິມີນ ຊີ້ນຳຢ່າງຮີບດ່ວນ ສັບຊ້ອນພະນັກງານ, ສະມາຊິກພັກພາກສ່ວນຫນຶ່ງ ຢູ່ຄືນພາກໃຕ້ ເພື່ອຊີ້ນຳການສູ້ຮົບ ແລະ ຈັດສົ່ງປະຊາຊົນ, ລູກຫລານຂອງບັນດາຄອບຄົວປະຕິວັດໄປພ້ອມກັບພະນັກງານ ແລະ ທະຫານມາເຕົ້າໂຮມຢູ່ ພາກເຫນືອ. ພ້ອມກັບບັນດາສະຖານທີ່ອື່ນ, ເຊີມເຊີນ ແຂວງ ແທງຮວາ ແມ່ນສະຖານທີ່ຕົ້ນຕໍຕ້ອນຮັບພະນັກງານ, ນັກຮົບ, ນັກຮຽນ ແລະ ປະຊະຊົນພາກໃຕ້ມາເຕົ້າໂຮມຢູ່ພາກເຫນືອ. ກ່າວຄຳເຫັນທີ່ພິທີສະເຫລີມສະຫລອງ 60 ປີແຫ່ງວັນຕ້ອນຮັບປະຊາຊົນ, ພະນັກງານ, ນັກຮົບ ແລະນັກຮຽນພາກໃຕ້ ມາເຕົ້າໂຮມພາກເຫນືອ (1954-2014) ດຳເນີນໄປໃນຕອນຄ່ຳວັນທີ 28/10 ຢູ່ເທດສະບານ ເຊີມເຊີນ ແຂວງ ແທງຮວາ, ທ່ານປະທານປະເທດເຈືອງເຕີນຊາງ ຍ້ອງຍໍຄຸນງາມຄວາມດີອັນໃຫຍ່ຫລວງຂອງອົງຄະນະພັກ, ອຳນາດການປົກຄອງ ແລະ ປະຊາຊົນ ແຂວງ ແທງຮວາ ແລະ ເທດສະບານ ເຊີມເຊີນ ໃນຊຸມວັນເດືອນປີປະຫວັດສາດນັ້ນ ໄດ້ສ້າງເງື່ອນໄຂທາງດ້ານວັດຖຸດີທີ່ສຸດໃຫ້ແກ່ພະນັກງານ, ນັກຮົບ, ນັກຮຽນ ແລະ ປະຊາຊົນພາກໃຕ້ມາເຕົ້າໂຮມຢູ່ພາກເຫນືອ. ທ່ານປະທານປະເທດ ເຈືອງເຕີນຊາງ ເນັ້ນຫນັກວ່າ:
“ພິທີສະເຫລີມສະຫລອງ 60 ປີແຫ່ງວັນ ພະນັກງານ, ນັກຮົບ, ນັກຮຽນ ແລະ ປະຊາຊົນພາກໃຕ້ມາເຕົ້າໂຮມຢູ່ພາກເຫນືອ ທີ່ເຊີມເຊີນແຂວງ ແທງຮວາ ແມ່ນເພື່ອຈົດຈຳເຫດການປະຫວັດສາດສຳຄັນໃນພາລະກິດປະຕິວັດຂອງພັກຂອງປະເທດຊາດ. ເອກອ້າງທະນົງໃຈຕໍ່ມູນເຊື້ອມະຫາສາມັກຄີທົ່ວປວງຊົນທັງຊາດ, ເຈດຈຳນົງໂຮມປະເທດຊາດເປັນເອກະພາບຂອງປະຊາຊົນຫວຽດນາມໃນຕະຫລອດໄລຍະ ປະຫວັດສາດ ນັບພັນໆປີ, ພວກເຮົາໝັ້ນໝາຍເຮັດຈົນສຸດຄວາມສາມາດຂອງຕົນເພື່ອສ້າງສາ ແລະ ປົກປັກຮັກສາປະເທດຫວຽດນາມ ສັງຄົມນິຍົມໃຫ້ໝັ້ນຄົງເພື່ອປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ, ຍຸຕິທຳ ແລະສີວິໄລ.”
ຕອນຄ່ຳວັນດຽວກັນ, ທ່ານປະທານປະເທດເຈືອງເຕີນຊາງ ໄດ້ເຂົ້າຮ່ວມພິທີເລີ່ມລົງມືກໍ່ສ້າງອະນຸສອນສະຖານ ພະນັກງານ, ນັກຮົບ, ນັກຮຽນ ແລະ ປະຊາຊົນພາກໃຕ້ມາເຕົ້າໂຮມຢູ່ພາກເຫນືອ.