ສະເໜີຕໍ່ຜູ້ອ່ານປຶ້ມເອກະສານກ່ຽວກັບອະທິປະໄຕຂອງຫວຽດນາມ
ປຶ້ມເອກະສານກ່ຽວກັບອະທິປະໄຕຂອງ ຫວຽດນາມທີ່ມີຕໍ່ 2 ໝູ່ເກາະຮ່ວາງຊາ ແລະ ເຈືອງຊາ ແລະ ບັນດາບໍລິເວນທະເລຂອງຫວຽດນາມຢູ່ທະເລຕາເວັນອອກ
|
(vovworld) – “ເອກະສານພາສາຫວຽດເດີມຈຳນວນໜຶ່ງກ່ຽວກັບອະທິປະໄຕ ຂອງ ຫວຽດນາມທີ່ມີຕໍ່ 2 ໝູ່ເກາະຮ່ວາງຊາ ແລະ ເຈືອງຊາ ແລະ ບັນດາບໍລິເວນທະເລຂອງຫວຽດນາມຢູ່ທະເລຕາເວັນອອກ ” ນີ້ແມ່ນຊື່ຂອງປຶ້ມອ່ານໂດຍສະຖາບັນຄົ້ນຄ້ວາພາສາຫວຽດເດີມຂຶ້ນກັບສະຖາບັນບັນດິດວິທະຍາສາດສັງຄົມຫວຽດນາມປະຕິບັດ ຫາກໍນຳສະເໜີຕໍ່ຜູ້ອ່ານເມື່ອຕອນເຊົ້າວັນທີ 3/6 ຢູ່ຮ່າໂນ້ຍ. ປຶ້ມອ່ານຫົວນີ້ໄດ້ຮວບຮ່ວມເອກະສານ 46 ສະບັບຊຶ່ງປະກອບດ້ວຍແຜນທີ່, ເອກະສານປະຫວັດສາດ, ເອກະສານພູມສາດ, ເອກະສານການປົກຄອງ, ບົດກາບກອນ....ຊຶ່ງໄດ້ບັນທຶກຢ່າງຄົບຖ້ວນກ່ຽວກັບອະທິປະໄຕ ຂອງ ຫວຽດນາມທີ່ມີຕໍ່ 2 ໝູ່ເກາະຮ່ວາງຊາ ແລະ ເຈືອງຊາ ແລະ ບັນດາບໍລິເວນທະເລຂອງຫວຽດນາມຢູ່ທະເລຕາເວັນອອກ. ທ່ານຮອງສາດສະດາຈານ ດຣ ຈິ້ງຄັກແມ້ງ ອະດີດຫົວໜ້າສະຖາບັນຄົ້ນຄ້ວາພາສາຫວຽດເດີມຂຶ້ນກັບສະຖາບັນບັນດິດວິທະຍາສາດສັງຄົມຫວຽດນາມ ໃຫ້ຮູ້ວ່າ :
“ ພວກຂ້າພະເຈົ້າມີຊຸດປຶ້ມອ່ານປະກອບດ້ວຍ 3000 ໜ້າ ຊຶ່ງເວົ້າເຖິງການປະຕິບັດອະທິປະໄຕຂອງຫວຽດນາມທີ່ມີຕໍ່ເຂດທະເລໝູ່ເກາະຢູ່ທະເລຕາເວັນອອກ. ບົນພື້ນຖານນັ້ນ, ພວກຂ້າພະເຈົ້າເລືອກເຟັ້ນຕາມມາດຖານຂອງບັນດານັກຄົ້ນຄ້ວາເພື່ອປະກາດເອກະສານ 46 ສະບັບ. ຕາມຂ້າພະເຈົ້າແລ້ວ, ເອກະສານເຫຼົ່ານີ້ລ້ວນແຕ່ມີລັກສະນະນິຕິກຳເພາະວ່າ ນີ້ແມ່ນລະບົບເອກະສານຂອງລັດຫວຽດນາມແຕ່ສະໄໝສັກດີນາຂຽນກ່ຽວກັບບັນຫານີ້ ”