(vovworld) – ວັນທີ 30/6, ຢູ່ສະຫະພັນລັດເຊຍ ໄດ້ຈັດພິທີສະເໜີປື້ມ ”ເມື່ອຄົນຫວຽດນາມຜູ້ທຳອິດເຂົ້າວັງ Kremli” ດ້ວຍພາສາລັດເຊຍຂອງທ່ານ ຫວູກີ່, ເນື່ອງໃນໂອກາດສະເຫຼີມສະຫຼອງ 90 ປີ ແຫ່ງວັນປະທານ ໂຮ່ຈີມິນ ໄປປະເທດໂຊວຽດ (30/6/1922-30/6/2013). ປື້ມຫົວນີ້ໄດ້ບັນທຶກການຢ້ຽມຢາມໂຊວຽດເປັນຄັ້ງທຳອິດໃນປີ 1955 ພ້ອມກັບການຢ້ຽມຢາມໂຊວຽດຄັ້ງຕ່າງໆຂອງເພິ່ນ. ທ່ານ Evghenhy Pavlovic Glazunov, ປະທານກິຕິມາສັກ ສະມາຄົມມິດຕະພາບລັດເຊຍ - ຫວຽດນາມ, ທັງແມ່ນນັກແປຈາກພາສາຫວຽດ ເປັນພາສາລັດເຊຍ, ໃຫ້ຮູ້ວ່າ:
“ເມື່ອແປພາສາໃຫ້ປື້ມຫົວນີ້, ຂ້າພະເຈົ້າຮູ້ສຶກແປກປະຫຼາດທີ່ສຸດຕໍ່ຄວາມມຸ້ງຫວັງຢາກມີຄວາມຮູ້ຂອງປະທານ ໂຮ່ຈີມິນ. ເພິ່ນແມ່ນຜູ້ເມົາມົວກັບຄວາມຮູ້ ແລະ ເອົາໃຈໃສ່ເຖິງທຸກສິ່ງທຸກຢ່າງ. ເພິ່ນກໍ່ແມ່ນຜູ້ທີ່ໄດ້ໄປຫຼາຍແຫ່ງ, ພົບປະກັບຫຼາຍຄົນ. ຂ້າພະເຈົ້າກໍ່ຮູ້ສຶກແປກປະຫຼາດໃຈຕໍ່ກຳລັງແຮງຂອງທ່ານປະທານ ໂຮ່ຈີມິນ ເມື່ອທ່ານໄປປະຕິບັດງານເຖິງ 9-10 ປະເທດສາທາລະນະລັດ ດ້ວຍໄລຍະທາງກວ່າ 16.000 ກິໂລແມດ. ສິ່ງດັ່ງກ່າວສຳລັບຜູ້ໜຸ່ມກໍ່ແມ່ນເລື່ອງຍາກທີ່ຈະປະຕິບັດໄດ້, ແຕ່ປະທານ ໂຮ່ຈີມິນພັດເຮັດໄດ້, ມັນເປັນສິ່ງທີ່ໜ້າເຄົາລົບນັບຖືແທ້ໆ“.
ປື້ມຫົວນີ້ ຈະປະກອບສ່ວນປັບປຸງຄວາມຄວາມເຂົ້າອົກເຂົ້າໃຈໃຫ້ແກ່ລຸ້ນໜຸ່ມຂອງລັດເຊຍ ກ່ຽວກັບປະທານ ໂຮ່ຈີມິນ ກໍ່ຄືມູນເຊື້ອມິດຕະພາບ, ຄວາມສະໜິດຕິດພັນທີ່ມີມາແຕ່ດົນນານລະຫວ່າງປະຊາຊົນສອງປະເທດຫວຽດນາມ - ລັດເຊຍ.