ກອງປະຊຸມສຳມະນາ (ພາບ: VOV)

ຕອນເຊົ້າວັນທີ 13 ສິງຫາ, ຢູ່ຮ່າໂນ້ຍ, ກະຊວງຖະແຫຼງຂ່າວ ແລະ ການສື່ສານ ຫວຽດນາມ ໄດ້ສົມທົບກັບອົງການ Healthbridge ການາດາ ປະຈຳ ຫວຽດນາມ ຈັດກອງປະຊຸມສຳມະນາສະໜອງຂໍ້ມູນກ່ຽວກັບຜົນຮ້າຍຂອງຢາສູບ ແລະ ບົດບາດຂອງນະໂຍບາຍອາກອນໃນການປ້ອງກັນ, ຕ້ານຜົນຮ້າຍຂອງຢາສູບສຳລັບຖັນແຖວນັກຂ່າວ, ບັນນາທິການບັນດາອົງການສື່ມວນຊົນສູນກາງ.

        ການນຳໃຊ້ຢາສູບແມ່ນໜຶ່ງໃນບັນດາສາຍເຫດແຖວໜ້າທີ່ພາໃຫ້ເກີດພະຍາດໂລຄາ ແລະ ເສຍຊີວິດໄວ. ຫວຽດນາມ ນອນໃນກຸ່ມ 15 ປະເທດໃນໂລກ ທີ່ມີຜູ້ສູບຢາຫຼາຍທີ່ສຸດ. ໃນກອງປະຊຸມສຳມະນາ, ບັນດາຜູ້ແທນຖືວ່າ ອາກອນ ແລະ ລາຄາ ແມ່ນມາດຕະການທີ່ເສຍຄ່າໃຊ້ຈ່າຍຕ່ຳ ແຕ່ນຳມາເຊິ່ງປະສິດທິຜົນສູງໃນການຫຼຸດຜ່ອນການສູບຢາ. ທ່ານ ປທ. ດ່າວເທເຊີນ, ນັກຊ່ຽວຊານດ້ານເສດຖະກິດ, ຖືວ່າ ອັດຕາອາກອນຂາດຕົວ ຕ້ອງໄດ້ຮັບການເພີ່ມຂຶ້ນສູງກວ່າ:

        “ເພື່ອບັນລຸໄດ້ເປົ້າໝາຍທີ່ໄດ້ວາງອອກ ແລະ ຮັບປະກັນສຸຂະພາບໃຫ້ແກ່ປະຊາຊົນ ຫວຽດນາມ, ປີ 2026 ເພີ່ມເຕີມອັດຕາອາກອນຂາດຕົວແມ່ນ 5.000 ດົ່ງ (0,2 USD) ສຳລັບຢາສູບຊ່ອງໜຶ່ງ, ຮອດປີ 2030 ຕ້ອງເພີ່ມອັດຕາອາກອນຂາດຕົວ 15.000ດົ່ງ (1 USD) ສຳລັບຢາສູບຊ່ອງໜຶ່ງ, ຖືກຕ້ອງຕາມຄຳກ່າວເຕືອນຂອງອົງການອະນາໄມໂລກ.”