ສະໄໝປະຊຸມຄັ້ງທີ 6 ສະພາທິດສະດີ, ວິຈານວັນນະຄະດີ, ສິລະປະສູນກາງ
(ພາບ: baomoi.com)
(vovworld)- ຕອນເຊົ້າວັນທີ 28/3 ຢູ່ຮ່າໂນ້ຍ, ສະພາທິດສະດີ, ວິຈານວັນນະຄະດີ, ສິລະປະສູນກາງໄດ້ຈັດສະໄໝປະຊຸມຄັ້ງທີ 6. ທີ່ສະໄຫມປະຊຸມຄັ້ງນີ້, ສະພາໄດ້ຕີລາຄາໝາກຜົນການເຄື່ອນໄຫວກ່ຽວກັບການຜັນຂະຫຍາຍປະຕິບັດບັນດາແຜນຮ່າງ, ຫົວເລື່ອງວິທະຍາສາດ; ຄັດເລືອກມອບລາງວັນບັນດາບົດວິຈານວັນນະຄະດີ ສິລະປະ, ເພີ່ມເຕີມ, ສ້າງຂໍ້ກຳນົດການເຮັດວຽກສຳເລັດ… ໜ້າທີ່ຈຸດສຸມຂອງວຽກງານແຕ່ນີ້ຮອດສະໄໝປະຊຸມຄັ້ງທີ 7 ແລະ ຮອດທ້າຍປີ 2013 ແມ່ນສະພາຈະສຸມໃສ່ສ້າງສຳເນົາເອກະສານວິທະຍາສາດຂອງແຜນຮ່າງ “ທິດສະດີສິລະປະວັນນະຄະດີຢູ່ຫວຽດນາມ: ພຶດຕິກຳຕົວຈິງ ແລະ ການກຳນົດທິດພັດທະນາ“ ສຳເລັດ. ກ່າວຄຳເຫັນຊີ້ນຳກອງປະຊຸມ, ທ່ານດິງເທຮິງ ຫົວໜ້າຄະນະໂຄສະນາສຶກສາສູນກາງຊີ້ແຈງວ່າ: ການສ້າງລະບົບທິດສະດີສິລະປະວັນນະຄະດີຫວຽດນາມ ແມ່ນແຜນນະໂຍບາຍໄດ້ຮັບການຢັ້ງຢືນໃນມະຕິກອງປະຊຸມໃຫ່ຍຄັ້ງທີ 11 ຂອງພັກ ແລະ ແຜນຮ່າງ “ທິດສະດີສິລະປະວັນນະຄະດີຢູ່ຫວຽດນາມ: ພຶດຕິກຳຕົວຈິງ ແລະ ການກຳນົດທິດພັດທະນາ“ ໂດຍສະພາປະຕິບັດແມ່ນໜຶ່ງໃນບັນດາບາດກ້າວເດີນທຳອິດ, ປະກອບສ່ວນສ້າງລະບົບທິດສະດີສິລະປະວັນນະຄະດີຫວຽດນາມ ເທື່ອລະກ້າວ.