( vovworld ) – ວັນທີ 12/4, ທ່ານສຸຣິນ ພິດສຸວັນ ເລຂາທິໃຫ່ຍ ອາຊຽນ ໄດ້ຮຽກຮ້ອງໃຫ້ສາທາລະນະລັດ ປະຊາຊົນ ປະຊາທິປະໄຕເກົາຫຼີ (ສປປເກົາຫຼີ) ຕ້ອງເອົາໃຈໃສເຖິງບັນດາຄວາມວິຕົກກັງວົນຂອງປະຊາຄົມໂລກ ກ່ຽວກັບແຜນການຍິງດາວທຽມຂອງປະເທດນີ້. ໃນວັນດຽວກັນ, ສະພາຕ່ຳຍີ່ປຸ່ນ ໄດ້ຮັບຮອງເອົາມະຕິຮຽກຮ້ອງໃຫ້ສປປເກົາຫຼີ ຈົ່ງຍົກເລິກແຜນການຍິງດາວທຽມຊື່ງປະເທດນີ້ປະກາດ. ມະຕິໄດ້ກ່າວເຕືອນວ່າ ການຍິງດາວທຽມຈະແມ່ນ “ການກະທຳກໍ່ຄວາມເສຍຫາຍບໍ່ພຽງແຕ່ໃຫ້ແກ່ຍີ່ປຸ່ນເທົ່ານັ້ນ ຫາກກໍ່ຜົນສະທ້ອນເຖິງສັນຕິພາບ, ສະຖຽນລະພາບໃນພາກພື້ນອາຊີຕາວັນອອກອີກດ້ວຍ“. ທີ່ວາລະປະຊຸມຄັ້ງນີ້, ທ່ານນາຍົກລັດຖະມົນຕີຍີ່ປຸ່ນ Yoshihoko Noda ກໍໄດ້ກ່າວເຕືອນວ່າ ຮອບເຈລະຈາ 6 ຝ່າຍກ່ຽວກັບບັນຫາເກົາຫຼີ ຈະສືບຕໍ່ຕົກເຂົ້າສູ່ສະພາບຈົນຕະແຈ ຖ້າຫາກວ່າ “ບັນດາຄວາມມານະພະຍາຍາມແກ້ໄຂບັນຫານີ້ຜ່ານການເຈລະຈາພວມຖືກຖອຍຫຼັງ“.
ກ່ຽວກັບບັນຫາສປປເກົາຫຼີ ຍັງມີຂ່າວໃຫ້ຮູ້ວ່າ, ວັນທີ 13/4, ສຳນັກຂ່າວສານ Kyodo ໃຫ້ຮູ້ວ່າ: ພາຍຫຼັງຖຶກຍິງຂຶ້ນ 1 ນາທີ. ລູດສອນໄຟສົ່ງດາວທຽມ ພະຢາກອນອາກາດຂອງສປປເກົາຫຼີ ໄດ້ຖຶກຕົກລົງທະເລ. ສຳນັກຂ່າວສານ CNN ຂອງອາເມລິກາ ກໍໃຫ້ຮູ້ວ່າ ລູກສອນໄຟຂອງສປປເກົາຫຼີ ໄດ້ຖືກຕົກແລ້ວ.
ກ່ອນໜ້ານັ້ນ, ສປປເກົາຫຼີ ໄດ້ປະກາດ ພ້ອມແລ້ວທີ່ຈະປະຕິບັດການຍິງດາວທຽມ Kwangmyongsong 3 ໃນໄລຍະແຕ່ວັນທີ 12-16/4 ເນື່ອງໃນໂອກາດສະເຫຼີມສະຫຼອງວັນຄ້າຍວັນເກີດຂອງອາດີດການນຳ Kim Il Sung. ການປະກາດກ່ຽວກັບແຜນການຍິງດາວທຽມນີ້ຂອງພຽງຢາງ ໄດ້ເຮັດໃຫ້ອາເມລິກາ, ຍີ່ປຸ່ນ ແລະ ສາທາລະນະລັດເກົາຫຼີ ຄັດຄ້ານຢ່າງຮຸນແຮງ. ບັນດາປະເທດເຫຼົ່ານັ້ນ ໄດ້ຖືວ່າ ການຍິງດາວທຽມຂອງສປປເກົາຫຼີ ແມ່ນການກະທຳເກາະຜິດ ແລະ ບໍ່ສອດຄ່ອງກັບບັນດາຄຳໝັ້ນສັນຍາ.