(vovworld) - ວັນທີ 22/8, ປະຊາຄົມໂລກໄດ້ອອກສຽງຮຽກຮ້ອງເປີດການສືບສວນຮອບດ້ານ, ພາວະວິໄສກ່ຽວກັບກໍລະນີທີ່ກ່ຽວຂ້ອງເຖິງຄຳກ່າວຫາອຳນາດການປົກຄອງຊີຣີ “ເຂັ່ນຂ້າ” ກ່ວາ 1.300 ຄົນໃນການບຸກໂຈມຕີດ້ວຍອາວຸດເຄມີໃກ້ກັບນະຄອນຫຼວງ Damascus. ກະຊວງການຕ່າງປະເທດ ຈີນ ຖະແຫຼງຄັດຄ້ານການນຳໃຊ້ອາວຸດເຄມີນີ້ຢ່າງເດັດຂາດ ແລະ ຮຽກຮ້ອງບັນດາຊ່ຽວຊານກ່ຽວກັບອາວຸດເຄມີຂອງສະຫະປະຊາຊາດຕ້ອງມີລັກສະນະພາວະວິໄສ ແລະ “ທາບທາມຢ່າງຄົບຖ້ວນ” ກັບລັດຖະບານ ຊີຣີ ເພື່ອເຮັດແຈ້ງຄຳກ່າວຫາຂອງຝ່າຍຄ້ານ. ສ່ວນໂຄສົກກະຊວງການຕ່າງປະເທດ ລັດເຊຍ Alexander Lukashevich ຖະແຫຼງວ່າ: ມົດສະກູ ຈະຍົກອອກຫຼັກໝັ້ນຂອງຕົນກ່ຽວກັບຄວາມສາມາດນຳໃຊ້ອາວຸດເຄມີຢູ່ ຊີຣີ ໂດຍອີງໃສ່ໝາກຜົນຂອງການສືບສວນພາວະວິໄສ ແລະ ເອກະລາດຂອງຄະນະປະຕິບັດງານສະຫະປະຊາຊາດຢູ່ Damascus. ແລະກໍ່ໃນວັນດຽວກັນ, ກະຊວງການຕ່າງປະເທດ ອັງກິດ ຖະແຫຼງຕ້ອງມີການກວດກາຢ່າງລະອຽດ ແລະ ໂດຍກົງຢູ່ພື້ນທີ່ຕົວຈິງ. ໃນຂະນະນັ້ນ, ສະພາຄວາມໝັ້ນຄົງສະຫະປະຊາຊາດ ເຖິງວ່າບໍ່ທັນຮຽກຮ້ອງດຳເນີນການສືບສວນກໍ່ຕາມ ແຕ່ຖະແຫຼງວ່າ ການເຮັດແຈ້ງແມ່ນມີຄວາມຈຳເປັນ ແລະ ຊົມເຊີຍເລື່ອງທ່ານເລຂາທິການໃຫຍ່ສະຫະປະຊາຊາດ Ban Ki moon ຮຽກຮ້ອງໃຫ້ໜ່ວຍນັກກວດກາສະຫະປະຊາຊາດຢູ່ ຊີຣີ ສືບສວນກໍລະນີດັ່ງກ່າວຢ່າງຮີບດ່ວນ.