ສ້າງກອບກົດໝາຍໃນ ການອະພິປາຍຢູ່ ບັນດາ ອົງການສະພາແຫ່ງຊາດ
ການໂອ້ລົມສົນທະນາກ່ຽວກັບຫົວເລື່ອງ ການເຄື່ອນໄຫວທາບທາມ ແລະ ອະພິປາຍຢູ່ບັນດາ ອົງການສະພາແຫ່ງຊາດ (ພາບ : TTXVN) |
Vovworld- ຫວ່າງແລ້ວນີ້, ຢູ່ນະຄອນຫາຍຟ່ອງ, ໄດ້ຈັດການໂອ້ລົມສົນທະນາກ່ຽວກັບຫົວເລື່ອງ ການເຄື່ອນໄຫວທາບທາມ ແລະ ອະພິປາຍຢູ່ສະພາຊົນເຜົ່າ ແລະ ບັນດາກຳມາທິການຂອງສະພາແຫ່ງຊາດຫວຽດນາມ. ນີ້ແມ່ນການ ເຄື່ອນໄຫວນອນໃນໂຄງການຮ່ວມມືລະຫວ່າງຫ້ອງວ່າການ ສະພາແຫ່ງຊາດ ຫວຽດນາມ ແລະ ອົງການ ສ.ປ.ຊ ເພື່ອການພັດທະນາ UNDP - ໂຄງການ“ເພີ່ມທະວີຄວາມສາມາດໃຫ້ແກ່ບັນດາອົງການຜູ້ຕາງໜ້າຢູ່ຫວຽດນາມ. ເພື່ອເປັນເອກະພາບກັນກ່ຽວກັບວິທີການດຳເນີນບັນດາການອະພິປາຍ, ຄະນະປະຈຳສະພາແຫ່ງຊາດພວມຊີ້ນຳການສ້າງຂໍ້ກຳນົດໂດຍລະອຽດກ່ຽວກັບບັນດາຂັ້ນຕອນ, ລະບຽບການຈັດຕັ້ງການອະພິປາຍຢູ່ ສະພາຊົນເຜົ່າ ແລະ ບັນດາກຳມາທິການຂອງສະພາແຫ່ງຊາດຫວຽດນາມ. ທ່ານຮອງຫົວໜ້າກຳມາທິການບັນດາບັນຫາສັງຄົມຫວຽດນາມ ຫງວຽນຊີ້ເຫຼີ້ຍ ຖືວ່າ ການອະພິປາຍແມ່ນເພື່ອແນໃສ່ສ້າງເວທີປາໄສແລກປ່ຽນຂໍ້ມູນຂ່າວສານ, ທັດສະນະກ່ຽວກັບການສ້າງ ແລະ ປະຕິບັດນະໂຍບາຍຢ່າງຮອບດ້ານ, ເປີດເຜີຍ, ຮັບປະກັນບັນດາມາດຖານກ່ຽວກັບລັກສະນະເປີດເຜີຍ, ໂຄສະນາເຜີຍແຜ່ຂໍ້ມູນຂ່າວສານທີ່ຊັດເຈນ. ບັນດາ ຄຳຄິດຄຳເຫັນທີ່ການໂອ້ລົມສົນທະນາ ໄດ້ສະເໜີວ່າ ສະພາຊົນເຜົ່າ ແລະ ບັນດາກຳມາທິການຂອງສະພາແຫ່ງຊາດຫວຽດນາມ ຄວນຕັ້ງໜ້າຫຼາຍກ່ວາອີກໃນການ ດຳເນີນ ການອະພິປາຍ, ຫັນບັນດາຂັ້ນຕອນ, ລະບຽບການທາບທາມ ມະຫາຊົນ ໃນກົດໝາຍປະກາດໃຊ້ເອກະສານນິຕິກຳ. ບັນດາອົງການຂອງສະພາແຫ່ງຊາດຄວນນຳໃຊ້ ແລະ ຜັນຂະຫຍາຍບັນດາເຄື່ອງມືທາບທາມໃຫ້ສອດຄ່ອງກັບຈຸດພິເສດຂອງສະພາແຫ່ງຊາດຫວຽດນາມ; ຈັດຊຸດອົບຮົມໃຫ້ບັນດາກົມຮັບໃຊ້ໃຫ້ແກ່ ບັນດາອົງການຂອງສະພາແຫ່ງຊາດ ກ່ຽວກັບການເຄື່ອນໄຫວທາບທາມມະຫາຊົນ ແລະ ອະພິປາຍເພື່ອແນໃສ່ຍົກສູງປະສິດທິຜົນຂອງການເປັນເສນາທິການ ແລະ ການຮັບໃຊ້.