ທ່ານຫງວຽນຊິງຮຸ່ງ ກ່າວຄຳເຫັນທີ່ກອງປະຊຸມ
(ພາບ:vietnamplus.vn)
(vovworld) - ຕອນເຊົ້າວັນທີ 5/2, ຂະແໜງກວດສອບບັນຊີ ໄດ້ຈັດກອງປະຊຸມຜັນຂະຫຍາຍວຽກງານປີ 2013 ຜ່ານເຄືອຂ່າຍອິນເຕີແນັດ. ກ່າວຄຳເຫັນທີ່ກອງປະຊຸມ, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ສະເໜີວ່າ: ໃນໄລຍະຈະມາເຖິງ, ຂະແໜງກວດສອບບັນຊີຕ້ອງກຳນົດທີ່ຕັ້ງດ້ານກົດໝາຍຢ່າງຈະແຈ້ງເພື່ອຈັດຕັ້ງ ແລະ ພັດທະນາກຳລັງ, ສ້າງຂະແໜງໝັ້ນຄົງເຂັ້ມແຂງໃນທຸກດ້ານ, ຕອບສະໜອງຄວາມຮຽກຮ້ອງຕ້ອງການໃນສະພາບການໃໝ່:
“ຕ້ອງສ້າງຂະແໜງກວດສອບບັນຊີໝັ້ນຄົງເຂັ້ມແຂງດ້ານແນວຄິດ, ມີສະຕິຄວາມຮັບຮູ້ໃຫ້ຖືກຕ້ອງກ່ຽວກັບບົດບາດ, ໜ້າທີ່, ເຂົ້າໃຈໃຫ້ຖືກຕ້ອງຄວາມຮັບຜິດຊອບເພື່ອເຮັດວຽກ. ທີສອງແມ່ນສ້າງອົງການກວດສອບບັນຊີໝັ້ນຄົງເຂັ້ມແຂງ, ຂະແໜງຕ້ອງໄດ້ຮັບການຈັດຕັ້ງຢ່າງມີລັກສະນະວິທະຍາສາດຢ່າງແທ້ຈິງ, ມີຖັນແຖວພະນັກງານມີຄຸນນະທາດ, ປອດໃສ“
ໃນປີ 2013, ຂະແໜງກວດສອບບັນຊີຈະຍູ້ແຮງການເຄື່ອນໄຫວ, ຕີລາຄາປະສິດທິຜົນໃນການຈັດຕັ້ງປະຕິບັດແຜນຮ່າງສັງລວມສ້າງໂຄງປະກອບພື້ນຖານເສດຖະກິດຄືນໃໝ່, ກວດສອບໃນຂົງເຂດການລົງທຶນຂອງລັດ, ນຳໃຊ້ທຶນພັນທະບັດລັດຖະບານ, ຂົງເຂດຄຸ້ມຄອງເງິນ ແລະ ຊັບສົມບັດຂອງລັດຢູ່ບັນດາວິສາຫະກິດ, ທະນາຄານການຄ້າ, ກວດສອບການຄຸ້ມຄອງນຳເຂົ້າສົ່ງອອກ….