(vovworld) – ການໂອ້ລົມສົນທະນາຍຸດທະສາດປ້ອງກັນຊາດ ຈີນ - ຫວຽດນາມ ຄັ້ງທີ 4 ຖືກຈັດຂຶ້ນໃນຕອນບ່າຍວັນທີ 5/6 ຢູ່ ປັກກິງ. ຄະນະຜູ້ແທນກະຊວງປ້ອງກັນປະເທດ ຫວຽດນາມ ໂດຍພົນໂທ ຫງວຽນຈີ໋ຫວີ້ງ, ຮອງລັດຖະມົນຕີກະຊວງປ້ອງກັນປະເທດນຳໜ້າ. ຄະນະຜູ້ແທນຈີນ ໂດຍທ່ານພົນຕີ ຈີຈຽນກົ໋ວ, ຮອງຫົວໜ້າເສນາທິການໃຫຍ່ກອງທັບປົດປ່ອຍປະຊາຊົນ ຈີນນຳໜ້າເຂົ້າຮ່ວມການໂອ້ລົມສົນທະນາ. ທີ່ການໂອ້ລົມສົນທະນາ, ເມື່ອເຕື້ອງເຖິງການພົວພັນລະຫວ່າງ 2 ປະເທດກໍ່ຄືລະຫວ່າງກອງທັບ 2 ປະເທດ, ພົນໂທ ຫງວຽນຈີ໋ຫວີ້ງ ເນັ້ນໜັກ 5 ທິດທາງຮ່ວມມືລະອຽດ, ໃນນັ້ນມີການເພີ່ມທະວີການແລກປ່ຽນຂໍ້ມູນຂ່າວສານລະຫວ່າງບັນດາອົງການຍຸດທະສາດ 2 ຝ່າຍ, ຖືການໂອ້ລົມສົນທະນາຍຸດທະສາດປ້ອງກັນຊາດຂັ້ນຮອງລັດຖະມົນຕີເປັນຈຸດສຸມໃນການຕີລາຄາສະພາບການ, ຍົກອອກບັນດາມາດຕະການຮ່ວມມືທີ່ມີປະສິດທິຜົນ, ເພີ່ມທະວີການຮ່ວມມືລະຫວ່າງກອງທັບເຮືອ, ຕຳຫລວດທະເລ 2 ປະເທດເພື່ອໃຫ້ການນຳ 2 ພັກ, 2 ປະເທດມີສະພາບແວດລ້ອມສະດວກໃນການຍົກອອກບັນດາຂໍ້ຕົກລົງລະດັບຍຸດທະສາດ. ກ່ຽວກັບສະພາບການຢູ່ທະເລຕາເວັນອອກ, ພົນໂທ ຫງວຽນຈີ໋ຫວີ້ງ ຢືນຢັນວ່າ: ນີ້ແມ່ນບັນຫາຍາວນານ, ຄວນຍືດໝັ້ນໃນການແກ້ໄຂເພື່ອໃຫ້ຜົນປະໂຫຍດອັນເປັນທຳ, ອະທິປະໄຕຂອງແຕ່ລະປະເທດໄດ້ຮັບປະກັນຢ່າງກົມກຽວ, ບົນພື້ນຖານກົດໝາຍສາກົນ. ກອງທັບ 2 ປະເທດຄວນເພີ່ມທະວີການສ້າງສະພາບແວດລ້ອມສັນຕິພາບບົນທະເລຕາເວັນອອກ, ຫລີກລ້ຽງບັນດາການກະທຳທີ່ສາມາດກໍ່ຄວາມເຂົ້າໃຈຜິດ, ບໍ່ນຳໃຊ້ກຳລັງອາວຸດ ຫຼື ນາບຂູ່ນຳໃຊ້ກຳລັງອາວຸດ, ຄົ້ນຄ້ວາມຸ້ງໄປເຖິງການເຊັນຂໍ້ຕົກລົງບໍ່ນຳໃຊ້ກຳລັງອາວຸດ ຫຼື ນາບຂູ່ນຳໃຊ້ກຳລັງອາວຸດບົນທະເລລະຫວ່າງກອງທັບເຮືອ 2 ປະເທດ...
ເຫັນດີເຫັນພ້ອມກັບຄວາມເຫັນຂອງທ່ານ ພົນໂທ ຫງວຽນຈີ໋ຫວີ້ງ, ພົນຕີ ຈີຈຽນກົ໋ວ ຖືວ່າ: 2 ຝ່າຍຄວນຍືດໝັ້ນເພື່ອແກ້ໄຂ, ບັນຫາແນໃສ່ບັນລຸໄດ້ບັນດາໝາກຜົນ ຄ້າຍຄືກັນກັບບັນຫາຂີດເສັ້ນຊາຍແດນທາງບົກກໍ່ຄືໃນອ່າວພາກເໜືອກ່ອນນີ້. ເມື່ອຄວາມບໍ່ລົງລອຍກັນບົນທະເລ, ກອງທັບຕ້ອງແກ້ໄຂດ້ວຍຄວາມລະຫງັບໃຈ, ບໍ່ນຳໃຊ້ກຳລັງອາວຸດເພື່ອນາບຂູ່ກັນ.