(vovworld) - ວັນທີ 31/8, ລັດຖະມົນຕີການຄ້າສາກົນ ທັງເປັນລັດຖະມົນຕີຜູ້ຮັບຜິດຊອບບັນຫາອາຊີ - ປາຊີຝິກ ຂອງການາດາ ທ່ານ Ed Fast ໄດ້ປະກາດສ້າງຕັ້ງສະພາທຸລະກິດການາດາ - ອາຊຽນ (CABC) ດ້ວຍຈຸດສຸມແມ່ນເພີ່ມທະວີການຮ່ວມມືໃນຂົງເຂດພາກເອກະສົນລະຫວ່າງການາດາ ແລະ ບັນດາສະມາຊິກອາຊຽນ. ໃນພິທີປະກາດສ້າງຕັ້ງ CABC ແລະ ປະຕິບັດແຜນການເຄື່ອນໄຫວໄລຍະ 2012 – 2015 ເພື່ອແນໃສ່ຊຸກຍູ້ບັນດາການພົວພັນດ້ານການຄ້າ ແລະ ການລົງທຶນການາດາ - ອາຊຽນ, ທ່ານລັດຖະມົນຕີ Ed Fast ໄດ້ເນັ້ນໜັກວ່າ ອາຊຽນ ແມ່ນໜຶ່ງໃນບັນດາເຂດເສດຖະກິດມີການເຕີບໂຕໄວກວ່າໝູ່ຢູ່ໃນໂລກ ດ້ວຍຍອດ GDP ຂຶ້ນເຖິງ 2,100 ຕື້ USD. ເລື່ອງສ້າງຕັ້ງ CABC ແມ່ນບາດກ້າວນວນໃນຄຳໝັ້ນສັນຍາລວມ, ເພື່ອແນໃສ່ເພີ່ມທະວີບັນດາການພົວພັນດ້ານການຄ້າລະຫວ່າງການາດາ ແລະ ອາຊຽນ. ໜ້າທີ່ຂອງ CABC ແມ່ນຮັບປະກັນສິດຜົນປະໂຫຍດຂອງບັນດາຝ່າຍ ຈາກການພົວພັນຕ່າງໆຢ່າງແໜ້ນແຟ້ນກວ່າ ໃນບັນດາຂົງເຂດການຄ້າ ແລະ ການລົງທຶນ ຈະນຳການພົວພັນການາດາ - ອາຊຽນ ຂຶ້ນສູ່ລະດັບສູງໃໝ່ ຜ່ານການສ້າງເວທີປາໄສໜຶ່ງໃຫ້ແກ່ໃນບັນດາວິສາຫະກິດປຶກສາຫາລື ກ່ຽວກັບບັນດາສິ່ງທ້າທາຍ ແລະ ກາລະໂອກາດ.