(vovworld) - ກ່າວຄຳເຫັນທີ່ພິທີ່ປະກາດຂໍ້ຕົກລົງສ້າງຕັ້ງມະຫາວິທະຍາໄລໄອຍະການຮ່າໂນ້ຍ, ໃນຕອນເຊົ້າວັນທີ 25/05, ທ່ານປະທານປະເທດ ເຈືອງເຕີນຊາງ ໄດ້ຮຽກຮ້ອງໃຫ້ການນຳໂອຍະການປະຊາຊົນສູນສຸດ ສຸມໃສ່ກຳນົດຄາດໝາຍ, ຂອບເຂດບຳລຸງສ້າງໃຫ້ແທດເໝາະກັບຄວາມຕ້ອງການພະນັກງານຂອງຂະແໜງ, ວຽກງານຮັບເອົານັກຮຽນຕ້ອງເໝາະສົມກັບຄວາມຕ້ອງການນຳໃຊ້ພະນັກງານ, ພິເສດແມ່ນຢູ່ບັນດາທ້ອງຖິ່ນເຂດພູດອຍ, ເຂດຫ່າງໄກຊອກຫຼີກ, ທີ່ມີກົນໄກດຶງດູດຜູ້ທີ່ສຸດຈິດສຸດໃຈ, ມີຄຸນສົມບັດ, ມີຄວາມສາມາດ, ປ່ຽນໃໝ່ວຽກງານສິດສອນ ຕິດພັນກັບພຶດຕິກຳຕົວຈິງ. ທ່ານປະທານປະເທດ ກໍສະເໜີໃຫ້ໄອຍະການປະຊາຊົນສູນສຸດ ຄວນສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງ, ອົງຄະນະພັກ, ອຳນາດການປົກຄອງທ້ອງຖິ່ນຢ່າງແໜ້ນແຟ້ນ ເພື່ອສ້າງເງື່ອນໄຂກ່ຽວກັບແຫຼ່ງກຳລັງໃຫ້ມະຫາວິທະຍາໄລໄອຍະການຮ່າໂນ້ຍ ເຄື່ອນໄຫວເປັນປົກກະຕິໂດຍໄວ. ທາງໂຮງຮຽນຕ້ອງເປັນເຈົ້າການຮ່ວມມືກັບບັນດາມະຫາວິທະຍາໄລຢູ່ພາຍໃນປະເທດ ແລະ ຕ່າງປະເທດຢ່າງແໜ້ນແຟ້ນ, ສູ້ຊົນນຳມະຫາວິທະຍາໄລໄອຍະການຮ່າໂນ້ຍ ໃຫ້ພັດທະນາກາຍເປັນມະຫາວິທະຍາໄລຈຸດສຸມແຫ່ງຊາດ ແລະ ທຽບເທົ່າ ກັບພາກພື້ນເທື່ອລະກ້າວ.