ບັນດາເອກອັກຄະລັດຖະທູດເຂົ້າຮ່ວມກອງປະຊຸມໃຫຍ່
|
(vovworld) – ວັນທີ 29/10, ໄດ້ຈັດຕັ້ງກອງປະຊຸມໃຫຍ່ຄັ້ງທີໜຶ່ງ ສະຫະສະມາຄົມຊາວ ຫວຽດນາມ ຢູ່ ເອີລົບ ຢູ່ນະຄອນຫຼວງ ປຣາຮາ, ສ. ເຊັກໂກ, ເປັນຂີດໝາຍໃຫ້ການສ້າງຕັ້ງຂອງອົງການເອກະພາບຂອງສະມາຄົມຊາວ ຫວຽດນາມ ຢູ່ ເອີລົບ ຢ່າງເປັນທາງການ. ບັນດາຜູ້ແທນທີ່ຕາງໜ້າໃຫ້ບັນດາອົງການລັດ, ບັນດາເອກອັກຄະລັດຖະທູດ ແລະ ສະມາຄົມຊາວ ຫວຽດນາມ ຢູ່ບັນດາປະເທດ ເອີລົບ ລ້ວນແຕ່ຮັບຮູ້ການເຕີບໃຫຍ່ ແລະ ການປະກອບສ່ວນຂອງປະຊາຄົມຊາວ ຫວຽດນາມ ຢູ່ບັນດາປະເທດ ເອີລົບ ກໍ່ຄືການເຄື່ອນໄຫວອ່ວາຍໜ້າເມືອຫາບ້ານເກີດເມືອງນອນ. ທ່ານນາງ ເຈືອງທິງອກແອ໋ງ, ຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ໄດ້ຕີລາຄາສູງຂໍ້ລິເລີ່ມສ້າງຕັ້ງອົງການໃຫມ່ນີ້ຂອງຊາວ ຫວຽດນາມ ຢູ່ເອີລົບ:
“ສະຫະສະມາຄົມຊາວ ຫວຽດນາມ ຢູ່ ເອີລົບ ໄດ້ຮັບການສ້າງຕັ້ງຈະຮັດແໜ້ນການພົວພັນລະຫວ່າງປະຊາຄົມຊາວ ຫວຽດນາມ ຢູ່ບັນດາປະເທດ ເອີລົບນຳກັນ. ແລະຜ່ານສະມາຄົມຊາວ ຫວຽດນາມ ຢູ່ບັນດາປະເທດເອີລົບ ກໍ່ມີການແບ່ງປັນຂໍ້ມູນຂ່າວ ແລະ ສ້າງເງື່ອນໄຂເພື່ອໃຫ້ພໍ່ແມ່ປະຊາຊົນໜູນຊ່ວຍເຊິ່ງກັນ ແລະ ກັນໃນບັນດາການເຄື່ອນໄຫວ, ພິເສດແມ່ນການຊອກຮູ້ຄວາມຮູ້ດ້ານກົດໝາຍຂອງປະເທດປະຈຳຖິ່ນເພື່ອພ້ອມກັນປະຕິບັດສິດຂອງພົນລະເມືອງຢູ່ທີ່ນີ້ເປັນຢ່າງດີ. ທີສອງແມ່ນ, ມັນຊຸກຍູ້ຂະບວນການແຂ່ງຂັນປະກອບສ່ວນໃຫ້ແກ່ຊີວິດຂອງພໍ່ແມ່ປະຊາຊົນນັບມື້ນັບດີຂຶ້ນ, ພ້ອມກັນມີການເຄື່ອນໄຫວຫຼາຍຢ່າງອ່ວາຍໜ້າເມືອຫາບ້ານເກີດເມືອງນອນ, ປະເທດຊາດ.”