ສ້າງຕັ້ງຫ້ອງການຮັບມືກັບເຊື້ອພະຍາດ Ebola
(ພາບປະກອບ)
(vovworld) - ຕອນເຊົ້າວັນທີ 11/8, ຢູ່ຮ່າໂນ້ຍ, ຄະນະປະຕິບັດງານຂອງກະຊວງສາທາລະນະສຸກ ແລະ ຄະນະກຳມະການປະຊາຊົນນະຄອນ ຮ່າໂນ້ຍ ໄດ້ໄປກວດກາວຽກງານກະກຽມຮັບມືກັບ ເຊື້ອພະຍາດ Ebola ຢູ່ດ່ານຊາຍແດນສາກົນ ໂນ້ຍບ່າຍ.
ແລະ ກໍ່ໃນຕອນເຊົ້າວັນທີ 11/8, ຢູ່ສຳນັກງານຂອງກົມການແພດສຳຮອງ, ກະຊວງສາທາລະນະສຸກໄດ້ສ້າງຕັ້ງຫ້ອງການຮັບມືກັບໂລກພະ ຍາດ ຕ່າງໆຢ່າງເປັນທາງການ, ໃນນັ້ນມີພະຍາດໄຂ້ເລືອດອອກຍ້ອນເຊື້ອ Ebolaກໍ່ຂຶ້ນ. ທ່ານ ເຈິ່ນດັກຟູ, ຫົວໜ້າກົມການແພດສຳຮອງ. ຫົວໜ້າຫ້ອງການຮັບມືກັບໂລກພະຍາດຢ່າງຮີບດ່ວນ, ໃຫ້ຮູ້ວ່າ:
“ພວກຂ້າພະເຈົ້າຈະກໍ່ສ້າງແຜນການຕິດຕາມ, ປະສານງານລະ ຫວ່າງອະນຸກຳມະການທີ່ຂຶ້ນກັບຄະນະຊີ້ນຳປ້ອງກັນ ແລະ ຕ້ານໂລກພະ ຍາດທີ່ອັນຕະລາຍ ແລະ ຫາກໍ່ປະກົດຂຶ້ນຂອງກະຊວງສາທາລະນະສຸກ ເພື່ອ ຈັດຕັ້ງ ຜັນຂະຫຍາຍການປະຕິບັດບັນດາມາດຕະການຮັບມືກັບໂລກພະຍາດຢ່າງຮີບ ດ່ວນ. ສົມທົບກັບບັນດາຫົວໜ່ວຍ ແລະ ອົງການທີ່ກ່ຽວ ຂ້ອງລະດົມແຫຼ່ງກຳລັງພາຍໃນ ແລະ ຕ່າງປະເທດ ແລະ ປະຕິບັດການຮ່ວມມືກັບສາກົນໃນວຽກງານຮັບມື, ປ້ອງກັນ, ຕ້ານໂລກພະຍາດ; ຈັດຕັ້ງການປະຕິບັດບັນດາແຜນງານ, ໂຄງການໃນຂົງເຂດຮັບມື, ປ້ອງກັນ, ຕ້ານໂລກພະຍາດ “.
ຕອນບ່າຍຂອງວັນດຽວກັນ, ກະຊວງສາທາລະນະສຸກໄດ້ຈັດການປະຊຸມກັບຄະນະຊີ້ນຳປ້ອງກັນ ແລະ ຕ້ານໂລກພະຍາດທີ່ອັນຕະລາຍ ແລະ ຫາກໍ່ປະກົດຂຶ້ນເພື່ອເປັນເຈົ້າການຮັບມືກັບໂລກພະຍາດໄຂ້ເລືອດອອກ Ebola. ປະຈຸບັນ, ຢູ່ຫວຽດນາມຍັງບໍ່ທັນມີກໍລະນີໃດຕິດເຊື້ອ Ebola, ແຕ່ຍັງມີໄພຕິດເຊື້ອສູງຢູ່.