(vovworld) - ຕອນເຊົ້າວັນທີ 22/04, ຢູ່ຮ່າໂນ້ຍ, ກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ໄດ້ສົມທົບກັບຄະນະເລຂາອາຊຽນ ແລະ ໂຄງການເຊື່ອມຕໍ່ອາຊຽນ ໂດຍຜ່ານດ້ານການຄ້າ ແລະ ການລົງທຶນ (ACTI) ຈັດຕັ້ງພິທີສ້າງຕັ້ງເຄືອຂ່າຍນັກທຸລະກິດຍິງອາຊຽນ (AWEN). ເຄືອຂ່າຍນັກທຸລະກິດຍິງອາຊຽນ ເຄື່ອນໄຫວດ້ວຍຈຸດປະສົງເພີ່ມທະວີການພົບປະແລກປ່ຽນ, ແບ່ງປັນບົດຮຽນ, ກໍ່ສ້າງ ແລະ ສະເໜີບັນດາຂໍ້ລິເລີ່ມແນໃສ່ສ້າງສະພາບແວດລ້ອມແຫ່ງການດຳເນີນທຸລະກິດຢ່າງສະດວກສະບາຍ, ຍົກສູງລະດັບຄວາມຮູ້ ແລະ ການສະໜັບສະໜູນຂອງຝ່າຍຕ່າງໆ ທີ່ມີຕໍ່ແມ່ຍິງດຳເນີນທຸລະກິດ... ກ່າວຄຳເຫັນທີ່ພິທີສ້າງຕັ້ງເຄືອຂ່າຍນັກທຸລະກິດຍິງອາຊຽນ, ທ່ານນາງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມຫວຽດນາມ ຟ້າມທິຫາຍຈ່ວຽນ ຖືວ່າ
“ການສ້າງຕັ້ງເຄືອຂ່າຍບັນດາແມ່ຍິງເປັນເຈົ້າຂອງວິສາຫະກິດໃນອາຊຽນ ປະຈຸບັນນີ້ ຈະປະກອບສ່ວນບໍ່ແມ່ນໜ້ອຍເຂົ້າໃນການຊຸກຍູ້ບັນດາການເຄື່ອນໄຫວດ້ານການຄ້າ ແລະ ເສດຖະກິດພາຍໃນກຸ່ມ ແລະ ກັບບັນດາປະເທດນອກກຸ່ມອາຊຽນ ເພື່ອແນໃສ່ເພີ່ມທະວີຄວາມສະເໝີພາບລະຫວ່າງຍິງຊາຍ, ມອບສິດໃຫ້ແມ່ຍິງ ແລະ ປະກອບສ່ວນສ້າງພາກພື້ນອາຊຽນ ສັນຕິພາບ, ສະຖຽນລະພາບ ແລະ ວັດຖະນາຖາວອນ. ຂ້າພະເຈົ້າສະເໜີໃຫ້ປະຊາຄົມເສດຖະກິດອາຊຽນ, ປະຊາຄົມວິສາຫະກິດອາຊຽນ ແລະ ບັນດາຄູ່ຮ່ວມມືອື່ນໆຢູ່ປະເທດຕ່າງໆພາຍໃນພາກພື້ນ ແລະ ສາກົນ ເພີ່ມທະວີການຮ່ວມມື ແລະ ເຊື່ອມຕໍ່ກັບເຄືອຂ່າຍນັກທຸລະກິດຍິງອາຊຽນ, ເພື່ອມຸ່ງໄປເຖິງການມອບສິດໃຫ້ບັນດາແມ່ຍິງຢ່າງແທດຈິງ, ສ້າງບັນດາວຽກເຮັດງານທຳຕື່ມອີກເພື່ອຊຸກຍູ້ຄວາມວັດຖະນາຖາວອນລວມຂອງທັງປະຊາຄົມອາຊຽນ”.