ທີ່ການສຳມະນາ (ພາບ: qdnd.vn)

ສ້າງຖັນແຖວການນຳຫຼັກແຫຼ່ງຢູ່ບັນດາລັດວິສາຫະກິດໃຫ້ສົມກັບໜ້າທີ່-ສະພາບຕົວຈິງ ແລະ ມາດຕະການແກ້ໄຂ. ນັ້ນແມ່ນຫົວຂໍ້ຂອງການສຳມະນາຄະນະເສດຖະກິດສູນກາງ ສົມທົບກັບຄະນະຄຸ້ມຄອງທຶນພາກລັດ ຢູ່ວິສາຫະກິດ ເຊິ່ງດຳເນີນໃນວັນທີ 04 ທັນວາ.

        ການສຳມະນານອນໃນໂຄງການສ້າງແຜນຮ່າງ “ສ້າງຂໍ້ກຳນົດກ່ຽວກັບການຮັບສະໝັກ, ບຳລຸງກໍ່ສ້າງ, ແຕ່ງຕັ້ງພະນັກງານຄຸ້ມຄອງ, ບໍລິຫານລັດວິສາຫະກິດ ເໝາະສົມກັບລະບອບການເມືອງ, ກົນໄກຕະຫຼາດ ແລະ ຕອບສະໜອງຄວາມຮຽກຮ້ອງຕ້ອງການເຊື່ອມໂຍງເຂົ້າກັບສາກົນ”. ພາຍຫຼັງການສຳມະນາ, ຄະນະເສດຖະກິດສູນກາງ ພ້ອມກັບບັນດາອົງການຈັດຕັ້ງທີ່ກ່ຽວຂ້ອງ, ລວມລວມ, ຄັດຈ້ອນ ແລະ ຮັບເອົາບັນດາຄຳເຫັນ, ຂໍສະເໜີແນະ ແລະ ຂໍ້ສະເໜີຂອງກະຊວງ, ຂະແໜງການ, ລັດວິສາຫະກິດ , ນັກຊ່ຽວຊານ ແລະ ນັກວິທະຍາສາດແລ້ວ ສ້າງໃຫ້ສົມບູນແບບ ເພື່ອຍື່ນສະເໜີແຜນຮ່າງຕໍ່ກົມການເມືອງ, ຄະນະເລຂາ ໃນປີ 2022.