ທ່ານນາຍົດລັດຖະມົນຕີ ຫວຽດນາມ ຫງວຽນຊວນຟຸກ
ເຮັດວຽກກັບການນຳຫຼັກແຫຼ່ງຂອງນະຄອນ ໂຮ່ຈີມິນ
(vovworld) – ສ້າງນະຄອນໂຮ່ຈີມິນໃຫ້ກາຍເປັນ“ເພັດມະນີສ່ອງແສງສະຫວ່າງອອກສູ່ທະເລຕາເວັນອອກ” ສິ່ງດັ່ງກ່າວໂດຍທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ເນັ້ນໜັກທີ່ການເຮັດວຽກກັບການນຳຫຼັກແຫຼ່ງຂອງນະຄອນ ໂຮ່ຈີມິນ ໃນຕອນບ່າຍວັນທີ 27/06 ກ່ຽວກັບສະພາບການປະຕິບັດໜ້າທີ່ເສດຖະກິດ - ສັງຄົມ. ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ: ນະຄອນ ໂຮ່ຈີມິນ ຄວນກຳນົດແຈ້ງວິໄສທັດໃນສະພາບການໃໝ່ ດ້ວຍພື້ນຖານເສດຖະກິດປ່ຽນໃໝ່ຫົວຄິດປະດິດສ້າງ, ມີກຳລັງແຜ່ຂະຫຍາຍ, ແມ່ນກຳລັງໜູນໃຫ້ການພັດທະນາແບບຍືນຍົງ ແລະ ເປັນແຖວໜ້າໃນທົ່ວປະເທດໃນການເຊື່ອມໂຍງເຂົ້າພື້ນຖານເສດຖະກິດພາກພື້ນ ແລະ ໂລກຢ່າງເລິກເຊິ່ງກ້ວາງຂວາງ ແລະ ມີປະສິດທິຜົນ. ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ:
“ດ້ວຍວິໄສທັດນັ້ນ ນະຄອນຄວນວາງບັນຫາແຈ້ງກ່ວາ ໃນການຊີ້ນຳການຄຸ້ມຄອງ, ພິເສດແມ່ນບັນດາມາດຕະການກ່ຽວກັບວິທະຍາສາດເຕັກໂນໂລຢີໃນສະພາບການເຊື່ອມໂຍງເຂົ້າກັບສາກົນ. ຂ້າພະເຈົ້າສະເໜີ ນະຄອນ ໂຮ່ຈີມິນ ຕ້ອງມີຄວາມໄຝ່ຝັນໄກກ່ວາ, ສູງກ່ວາ, ມີຄວາມຕັດສິນໃຈດ້ານການເມືອງແຈ້ງກ່ວາ ບາດກ້າວປະຕິວັດເຂົ້າຂົງເຂດກຸນແຈໃໝ່ຈຶ່ງແຮງ ແລະ ຮອບດ້ານ.
ທ່ານນາຍົກລັດຖະມົນຕີຊີ້ນຳວ່າ ນະຄອນໂຮ່ຈີມິນ ປະຕິບັດ 4 ຈຸດໝາຍນັ້ນແມ່ນ: ສ້າງນະຄອນໃຫ້ກາຍເປັນນະຄອນສະຫລາດ, ດ້ວຍຄວາມສາມາດເຊື່ອມຕໍ່ເຂົ້າລະບົບຄຸນຄ່າຂອງພາກພື້ນ ແລະ ໂລກຢ່າງເລິກເຊິ່ງ; ຕ້ອງເສີມຂະຫຍາຍບົດບາດເປັນໃຈກາງແຫຼ່ງຊັບພະຍາກອນມະນຸດທີ່ມີຄຸນນະພາບສູງ; ຕ້ອງແມ່ນຈຸດພົ້ນເດັ່ນດຶງດູດການລົງທຶນ ແລະ ດຳເນີນທຸລະກິດ ແລະ ຕ້ອງມຸ່ງໄປເຖິງພື້ນຖານເສດຖະກິດການຕະຫລາດຢ່າງກົມກຽວ ແລະ ໝັ້ນຄົງ.