ສ້າງນະຄອນໃໝ່ບິງເຢືອງ ໃຫ້ກາຍເປັນເຂດ ຕົວເມືອງທີ່ສີວິໄລ, ທັນສະໄໝ
ທ່ານນາຍົກລັດຖະມົນຕີ ຫງວຽນເຕີນຢຸງ
(ພາບ: binhduong.gov.vn)
(vovworld) - ວັນທີ 20/02, ໄດ້ດຳເນີນພິທີເລີ່ມລົງມືກໍ່ສ້າງ, ພັດທະນານະຄອນໃໝ່ ບິ່ງເຍືອງ ແລະ ເປີດສະຫຼອງສູນບໍລິຫານລວມສຸນຂອງແຂວງ. ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫງວຽນເຕີນຢຸງ ເນັ້ນໜັກວ່າ.
“ນີ້ແມ່ນເຫດການມີຄວາມໝາຍສຳຄັນໃນວິວັດການພັດທະນາຂອງແຂວງບິ່ງເຢືອງ, ຢືນຢັນຈິດໃຈຂະຫຍັນຂັນເຄື່ອນ, ມີຫົວຄິດປະສິດສ້າງ, ສະແດງໃຫ້ເຫັນແຜນນະໂຍບາຍ, ວິໄສທັດພັດທະນາທີ່ຖືກຕ້ອງ, ເໝາະສົມກັບວິວັດການຫັນເປັນອຸດສາຫະກຳ, ຫັນເປັນຕົວເມືອງທັນສະໄໝຂອງບິ່ງເຢືອງ ກໍ່ຄືຂອງທົ່ວປະເທດ. ພິເສດ, ຂ້າພະເຈົ້າຊົມເຊີຍແຫຼ່ງທຶນກໍ່ສ້າງສູນບໍລິຫານດັ່ງກ່າວ, ແຂວງບິ່ງເຢືອງ ບໍ່ນຳໃຊ້ງົບປະມານໃໝ່ ຫາກຂຸດຄົ້ນຈາກແຫຼ່ງທີ່ດິນ ແລະ ເຮືອນທີ່ມີຢູ່ແລ້ວຂອງ 58 ອົງການຂຶ້ນກັບຄະນະພັກແຂວງ, ແນວໂຮມ, ອຳນາດການປົກຄອງ, ໝູ່ຄະນະຂອງແຂວງ. ນີ້ແມ່ນວິທີປະຕິບັດຢ່າງຖືກຕ້ອງ ແລະ ລັດຖະບານສົ່ງເສີມບັນດາແຂວງ, ນະຄອນໃນທົ່ວປະເທດສ້າງສູນເຮັດວຽກແບບລວມສູນ, ທັນສະໄໝຕາມທິດນີ້, ເພື່ອຮັບໃຊ້ປະຊາຊົນ, ວິສາຫະກິດຢ່າງສະດວກ ແລະ ດີກວ່າ. ”
ນະຄອນບິ່ງເຢືອງ ມີເນື້ອທີ່ 1.000 ເຮັກຕາ, ເຊິ່ງລັດຖະບານອະນຸມັດຜ່່ານເພື່ອກາຍເປັນເຂດຕົວເມືອງທີ່ສີວິໄລ, ທັນສະໄໝ, ເຊິ່ງແມ່ນໃຈກາງຂອງນະຄອນບິ່ງເຢືອງ ຂຶ້ນກັບສູນກາງຕາມທິດວາງແຜນຜັງຮອດປີ 2020.