ທ່ານປະທານປະເທດ ຫວຽດນາມ ເຈືອງເຕີ໋ນຊາງ
ກ່າວຄຳເຫັນທີ່ກອງປະຊຸມ
(ພາບ: TTXVN)
(vovworld) - ຕອນເຊົ້າວັນທີ 02/03 ຢູ່ຮ່າໂນ້ຍ, ສະພາທິດສະດີ, ຕຳໜິວິຈານ, ສິລະປະສູນກາງຈັດຕັ້ງກອງປະຊຸມສະຫຼຸບອາຍຸການກອງປະຊຸມໃຫຍ່ຄັ້ງທີ 11 ຂອງພັກ. ກ່າວຄຳເຫັນທີ່ກອງປະຊຸມ, ທ່ານປະທານປະເທດ ຫວຽດນາມ ເຈືອງເຕີ໋ນຊາງ ໄດ້ຍ້ອງຍໍຊົມເຊີຍ ແລະ ຕີລາຄາສູງສະພາທິດສະດີ, ຕຳໜິວິຈານ, ສິລະປະສູນກາງໃນອາຍຸການຜ່ານມາໄດ້ຕິດຕາມພາລະໜ້າທີ່ໄດ້ຮັບມອບໝາຍ, ດ້ວຍນ້ຳໃຈສາມັກຄີ, ຮ່ວມມື, ຕັ້ງໜ້າ, ເປັນເຈົ້າການປ່ຽນໃໝ່ຫົວຄິດປະດິດສ້າງ, ສຳເລັດໜ້າທີ່ໄດ້ຮັບມອບໝາຍເປັນຢ່າງດີ. ທ່ານປະທານປະເທດ ເຈືອງເຕີ໋ນຊາງ ຢືນຢັນວ່າ: ເລື່ອງສ້າງພື້ນຖານວັດທະນະທຳ ຫວຽດນາມ ກ້າວໜ້າ, ເຂັ້ມຂົ້ນໄປດ້ວຍສີສັນຊາດ ໄປຄຽງຄູ່ກັບການສ້າງບຸກຄະລິກກະພາບມະນຸດ ຫວຽດນາມ. ໃນອາຍຸການຜ່ານມາ, ທາງສະພາໄດ້ສືບທອດບັນດາແຜນນະໂຍບາຍ, ນະໂຍບາຍຂອງພັກ, ສູນກາງ ແລະ ກົມການເມືອງເປັນຢ່າງດີ, ປະກອບສ່ວນກໍ່ສ້າງ, ພັດທະນາຖັນແຖວນັກປັນຍາຊົນ, ນັກສິລະປິນ ນັກປະພັນ. ທ່ານປະທານປະເທດຕັກເຕືອນສະພາຄວນສືບຕໍ່ບູລະນະການຈັດຕັ້ງ, ກົນໄກ, ແບບວິທີການເຄື່ອນໄຫວ, ຜັນຂະຫຍາຍບັນດາມະຕິຂອງກົມການເມືອງ, ບົດສະຫຼຸບ, ຄຳສັ່ງຂອງຄະນະເລຂາສູນກາງໃຫ້ດີ, ປະກອບສ່ວນຍົກສູງຄວາມຮັບຮູ້ຂອງທຸກຂັ້ນ, ຂະແໜງການກ່ຽວກັບທີ່ຕັ້ງ, ບົດບາດຂອງວັດທະນະທຳ, ວັນນະຄະດີ, ສິລະປະ ມຸ່ງໄປເຖິງການສ້າງພື້ນຖານວັດທະນະທຳກ້າວໜ້າ, ເຂັ້ມຂົ້ນໄປດ້ວຍສີສັນຊາດ ເພື່ອໃຫ້ປະເທດຊາດນັບມື້ນັບພັດທະນາຢ່າງໝັ້ນຄົງເຂັ້ມແຂງ.