ອ່າວຮ້າລອງ
(ພາບ: internet)
Vovworld- “ສ້າງພາບພົດຫວຽດນາມຜ່ານບັນດາການເຄື່ອນໄຫວທ່ອງທ່ຽວ” ນັ້ນແມ່ນຫົວເລື່ອງກອງປະຊຸມສຳມະນາໂດຍສະມາຄົມນັກຂ່າວນະຄອນໂຮ່ຈິມີນຈັດຂຶ້ນເມື່ອວັນທີ 23 ກຸມພາ ຊຶ່ງມີການເຂົ້າຮ່ວມຂອງບັນດາຜູ້ຊ່ຽວຊານ, ຜູ້ຕ່າງໜ້າວິສາຫະກິດທ່ອງທ່ຽວໃນບໍລິເວນນະຄອນໂຮ່ຈິມິນ. ຕາມຂໍ້ສັງເກດຂອງບັນດາອົງການຕ່າງປະເທດ, ຫວຽດນາມຈະແມ່ນຈຸດນັດພົບທີ່ພົ້ນເດັ່ນຢູ່ອາຊີຂອງແຂກທ່ອງທ່ຽວໃນຊຸມປີທີ່ຈະມາເຖິງ. ຈຸດໝາຍຂອງຂະແໜງທ່ອງທ່ຽວໃນປີ 2012 ແມ່ນຕ້ອນຮັບ ແຂກທ່ອງທ່ຽວຕ່າງປະເທດ 6,5 ລ້ານເທື່ອຄົນ, ຮັບໃຊ້ ແຂກທ່ອງທ່ຽວພາຍໃນປະເທດ 32 ລ້ານເທື່ອຄົນ, ດ້ວຍລາຍຮັບຈາກທ່ອງທ່ຽວບັນລຸ 145.000 ຕື້ດົງ ເພີ່ມຂຶ້ນກ່ວາ 20%ເມື່ອທຽບໃສ່ປີ 2011. ບັນດານັກສຳມະນາກອນລ້ວນແຕ່ເຫັນດີເປັນເອກະສັນຖືວ່າ: ຂະແໜງທ່ອງທ່ຽວຫວຽດນາມຄວນວາງບັນດາໂຄງການເຄື່ອນໄຫວລະອຽດ, ແທດຈິງເພື່ອພັດທະນາ ຂະແໜງທ່ອງທ່ຽວແບບຍືນຍົງ. ໄປຄຽງຄູ່ກັນນັ້ນ, ກໍຄວນມີແບບວິທີໂຄສະນາທ່ອງທ່ຽວໃຫ້ແຂກທ່ອງທ່ຽວທັງຢູ່ພາຍໃນ ແລະ ຕ່າງປະເທດຢ່າງແຂງແຮງໃນໄລຍະທີ່ຈະມາເຖິງ. ທ່ານຫງວຽນຫິ້ວເຖາະ,ປະທານສະຫະສະມາຄົມທ່ອງທ່ຽວຫວຽດນາມໃຫ້ຮູ້ວ່າ: (ເທບ)
“ ປີ 2012 ພວກເຮົາໄດ້ມີຍຸດທະສາດທາງດ້ານການທ່ອງທ່ຽວ, ເປັນອັນວ່າ ຂະແໜງທ່ອງທ່ຽວຫວຽດນາມມີເສັ້ນທາງຢ່າງຈະແຈ້ງທີ່ສຸດເພື່ອພັດທະນາ. ໃນນັ້ນ, ບັນດາແຂວງ, ນະຄອນ ແລະ ເຂດຕ່າງໆຕ້ອງຮ່ວມສຳພັນເພື່ອສ້າງຍຸດທະສາດພັດທະນາທ້ອງຖິ່ນຂອງຕົນ. ເພື່ອຂະແໜງທ່ອງທ່ຽວຫວຽດນາມພັດທະນາແບບຍືນຍົງ, ມີປະສິດທິຜົນ ແລະກາຍເປັນຂະແໜງເສດຖະກິດປາຍແຫຼມຂອງປະເທດຊາດຢ່າງແທ້ຈິງນັ້ນ, ກຳນົດທິດຂອງຫວຽດນາມແມ່ນຕ້ອງປົກປັກຮັກສາສະພາບແວດລ້ອມ, ພັດທະນາວັດທະນະທຳຂອງຊາວຫວຽດນາມ ແລະ ມີການປະພຶດຕໍ່ກັນແນວໃດເພື່ອດຶງດູດແຂກທ່ອງທ່ຽວ. ນີ້ແມ່ນສິ່ງທີ່ສຳຄັນທີ່ສຸດ ”.