ສ້າງລະບົບການກວດ ແລະ ປິ່ນປົວພະຍາດໂຄວິດ - 19 ສໍາລັບສະມາຊິກອົງການຕາງໜ້າຫວຽດນາມ ປະຈໍາ ຢູ່ຕ່າງປະເທດ
(VOVWORLD) -ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ຫາກໍໃຫ້ຄໍາເຫັນຊີ້ນໍາກ່ຽວກັບລະບົບການກວດ, ປິ່ນປົວພະຍາດໂຄວິດ - 19 ສໍາລັບສະມາຊິກອົງການຕາງໜ້າຫວຽດນາມ ປະຈໍາ ຢູ່ຕ່າງປະເທດ.
 ການກວດວິໄຈຫາເຊື້ອໄວຣັດ SARS -CoV- 2 (ພາບ:TTXVN) |
ລະອຽດ, ທ່ານນາຍົກລັດຖະມົນຕີຫວຽດນາມ ໄດ້ເຫັນດີຕໍ່ແຜນນະໂຍບາຍງົບປະມານແຫ່ງລັດ ກ່ຽວກັບການຈ່າຍຄ່າກວດ ແລະ ປິ່ນປົວພະຍາດໂຄວິດ - 19 ທີ່ບໍ່ນອນໃນຂອບເຂດການຊໍາລະຕາມສັນຍາປະກັນໄພ.
ທ່ານນາຍົກລັດຖະມົນຕີຮຽກຮ້ອງໃຫ້ກະຊວງການຕ່າງປະເທດຫວຽດນາມ ເປັນເຈົ້າພາບ, ສົມທົບກັບກະຊວງການເງິນ, ກະຊວງຍຸຕິທໍາ ແລະ ບັນດາອົງການກ່ຽວຂ້ອງ ຈົ່ງສ້າງມະຕິຍື່ນສະເໜີຕໍ່ລັດຖະບານພິຈາລະນາ ແລະ ຕົກລົງໂດຍດ່ວນ.