(ລັດຖະບານໄຂວາລະປະຊຸມຄັ້ງທຳອິດ)
(vovworld) – ຕອນບ່າຍວັນທີ 12/04 ລັດຖະບານໄຂວາລະປະຊຸມຄັ້ງທຳອິດ ໂດຍພາຍໃຕ້ການເປັນປະທານຂອງທ່ານນາຍົກລັດຖະມົນຕີ ຫງວຽນຊວນຟຸກ. ທີ່ວາລະປະຊຸມ, ທ່ານນາຍົກລັດຖະມົນຕີ ຫງວຽນຊວນຟຸກ ມອບຂໍ້ຕົກລົງແຕ່ງຕັ້ງຂອງປະທານປະເທດສຳລັບບັນດາສະມາຊິກລັດຖະບານຊຸດໃໝ່ ແລະ ມອບໜ້າທີ່ໃຫ້ບັນດາສະມາຊິກລັດຖະບານ. ທ່ານນາຍົກລັດຖະມົນຕີ ຫງວຽນຊວນຟຸກ ຖືວ່າ: ລັດຖະບານພວມປະເຊີນໜ້າກັບສິ່ງທ້າທາຍໃຫຍ່ຫລາຍຢ່າງ ຊຶ່ງຕ້ອງໄດ້ຮັບການແກ້ໄຂຄື: ປະກົດການໄພແຫ້ງແລ້ງ, ນ້ຳທະເລຊຶມເຂົ້າຢ່າງຮ້າຍແຮງຢູ່ເຂດ ໄຕງວຽນ ແລະ ທົ່ງພຽງແມ່ນ້ຳຂອງທາງພາກໃຕ້; GDP ໄຕມາດ 1/2016 ມີສັນຍານຫລຸດລົງເມື່ອທຽບໃສ່ໄລຍະດຽວກັນຂອງປີກາຍ…ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ: ລັດຖະບານຕັດສິນໃຈຮ່ວມເດີນທາງພ້ອມກັບການພັດທະນາຂອງວິສາຫະກິດໃນການເຊື່ອມໂຍງ; ຮັກສາອະທິປະໄຕແຫ່ງຊາດໃຫ້ໝັ້ນຄົງ; ຮັດແໜ້ນການປະຕິບັດກົດລະບຽບຂໍ້ບັງຄັບ, ຕໍ່ສູ້ຕ້ານໄພສໍ້ລາດບັງຫລວງ, ການຟຸມເຟືອຍຢ່າງເດັດດ່ຽວ. ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີຄະນະລັດຖະບານ ຄວນສືບຕໍ່ຮັກສາ, ເສີມຂະຫຍາຍຄວາມສາມັກຄີ, ຮ່ວມແຮງຮ່ວມໃຈບໍລິຫານເສດຖະກິດ - ສັງຄົມໃຫ້ບັນລຸປະສິດທິຜົນສູງ; ຍົກສູງຄວາມຕັດສິນໃຈດ້ານການເມືອງ, ຜ່ານຜ່າທຸກຮົ້ວກີດຂວາງ; ເພີ່ມທະວີການຕໍ່ສູ້ຕ້ານພະຍາດອາດຍາສິດ, ປະຕິບັດແບບຮູບການໃນການຄຸ້ມຄອງ, ບໍລິຫານ. ທ່ານນາຍົກລັດຖະມົນຕີສະເໜີຄະນະລັດຖະບານສຸມໃສ່ຊອກຫາບັນດາກຳລັງໃໝ່ ເພື່ອຮັບໃຊ້ການພັດທະນາຂອງປະເທດຊາດ; ສືບຕໍ່ປ່ຽນໃໝ່ເປັນຢ່າງແຮງ, ໂປ່ງໃສ, ເປີດອົກເປີດໃຈ ແລະ ຕັດສິນບັນລຸໃນການຄຸ້ມຄອງບໍລິຫານ; ຈຳກັດປະກົດການຢຸດສະງັກໃນແຕ່ລະຂັ້ນ, ແຕ່ລະຂະແໜງການ; ແກ້ໄຂໃນທຸກວຽກງານຢ່າງວ່ອງໄວ ແລະ ທັນການ. ກ່າວຄຳເຫັນທີວາລະປະຊຸມ ທ່ານນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ:
“ລັດຖະບານ ຫວຽດນາມ ຍາມໃດກໍມີຫົວຄິດປະດິດສ້າງ, ຮັກຊາດ, ຕັດສິນໃຈບໍ່ປະໃຫ້ງົບປະມານຖືກຂາດແຄນ, ວິສາຫະກິດບໍ່ສາມາດເຄື່ອນໄຫວໄດ້, ບໍ່ປະໃຫ້ປະຊາຊົນຖືກອຶດຫິວ, ພະຍາດແຜ່ລະບາດ, ບໍ່ປະໃຫ້ອະທິປະໄຕແຫ່ງຊາດຖືກລ່ວງລ້ຳ ແລະ ພິເສດ ລັດຖະບານບໍ່ປະໃຫ້ເກີດການສໍ້ລາດບັງຫລວງປະກົດ, ການຫຍໍ້ທໍ້ແຜ່ລາມອອກສູ່ວົງກ້ວາງໃນສັງຄົມ”
ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີບັນດາສະມາຊິກໃນລັດຖະບານ ຍົກສູງໜ້າທີ່ຄວາມຮັບຜິດຊອບ ແລະ ຕັດສິນໃຈດ້ານການເມືອງ, ເພີ່ມທະວີການປະສານສົມທົບຢ່າງແໜ້ນແຟ້ນ, ມີປະສິດທິຜົນ ພ້ອມກັນມານະພະຍາຍາມຜ່ານຜ່າທຸກຮົ້ວກີດຂວາງ, ຄວາມຫຍຸ້ງຍາກ ແລະ ສິ່ງທ້າທາຍ ເສີມຂະຫຍາຍບັນດາແຫຼ່ງກຳລັງຮັບໃຊ້ການພັດທະນາຂອງປະເທດຊາດ ສືບຕໍ່ປ່ຽນໃໝ່ຢ່າງແຮງກ່ວາ