ສ້າງສັງຄົມຮໍ່າຮຽນຢູ່ຫວຽດນາມ
My Dung,ນັກຂ່າວVOVປະຈຳນະຄອນໂຮ່ຈີມິນ -
(ພາບປະກອບ)
(vovworld) – “ສ້າງສັງຄົມຮໍ່າຮຽນຖືລັກສະນະໝັ້ນຄົງ ແລະ ເໝາະສົມກັບສະພາບການ ກໍ່ຄືເງື່ອນໄຂພິເສດຂອງຫວຽດນາມ”, ນີ້ແມ່ນເນື້ອໃນຕົ້ນຕໍ່ ເຊິ່ງຜູ້ແທນກວ່າ 125 ຄົນ ເຕື້ອງເຖິງທີ່ກອງປະຊຸມສຳມາະນາ “ສ້າງສັງຄົມຮໍ່າຮຽນ - ຈາກວິໄສທັດເຖິງການກະທຳ” ຊຶ່ງດຳເນີນໃນຕອນເຊົ້າວັນທີ 16/12, ຢູ່ນະຄອນໂຮ່ຈິມິນ. ທີ່ກອງປະຊຸມສຳມະນາ, ບັນດາຜູ້ແທນໄດ້ໄຈ້ແຍກ ແລະ ປະກອບຄຳເຫັນໃຫ້ການສ້າງແຜນການເຄື່ອນໄຫວຢ່າງລະອຽດ ເພື່ອປະຕິບັດຈຸດໝາຍສັງຄົມຮໍ່າຮຽນຢູ່ຫວຽດນາມ ແຕ່ນີ້ຮອດປີ 2020 ເປັນຢ່າງດີ. ສາດສະດາຈານ, ດ.ຣ ຟ້າມເຕີດຢອງ, ຮອງປະທານສະມາຄົມຮໍ່າຮຽນຫວຽດນາມ ຖືວ່າ.
“ໃນເງື່ອນໄຂທີ່ພວກເຮົາພວມຂາດແຄນທີ່ສຸດແມ່ນການຮໍ່າຮຽນຂອງວົງຄະນະຍາດ ເພື່ອເຮັດໃຫ້ປະຊາຊົນແຕ່ລະຄົນໃນວົງຄະນະຍາດມີໂອກາດເລືອກເຟັ້ນວິທີຮໍ່າຮຽນໃຫ້ແກ່ຕົນເອງ. ພວກເຮົາມີສູນຮໍ່າຮຽນກວ່າ 11.000 ແຫ່ງ, ມີລະບົບຫໍສະມຸດແຕ່ 5000 – 7000 ແຫ່ງ, ເຮືອນວັດທະນະທຳ… ແຕ່ບັນດາສະຖານທີ່ດັ່ງກ່າວຍັງບໍ່ທັນມີກົນໄກ, ນະໂຍບາຍເພື່ອຮັບໃຊ້ໃຫ້ການຮໍ່າຮຽນວົງຄະນະຍາດ, ຮັບໃຊ້ການຮໍ່າຮຽນຕະຫຼອດຊີວິດ”.
ສາດສະດາຈານ, ດ.ຣ ຟ້າມເຕີດຢອງ ກໍ່ໃຫ້ຮູ້ວ່າ: ແຜນການເຄື່ອນໄຫວຕໍ່ໄປຂອງຫວຽດນາມ ແມ່ນ, ກຳນົດບົດບາດ, ໜ້າທີ່ຂອງແຕ່ລະອົງການ, ສ່ວນບຸກຄົນ, ປ່ຽນໃໝ່ລະບົບສຶກສາ ຕາມທິດເປີດກ້ວາງ, ນຳໃຊ້ເຕັກໂນໂລຊີເຂົ້າໃນການຮໍ່າຮຽນວົງຄະນະຍາດ.
My Dung,ນັກຂ່າວVOVປະຈຳນະຄອນໂຮ່ຈີມິນ