ທ່ານ ຫງວຽນວັນບີງ, ຫົວຫນ້າຄະນະເສດຖະກິດສູນກາງ
|
(VOVworld)- ເສດຖະກິດພາກເອກະຊົນນັບມື້ນັບປະກອບສ່ວນໃຫຍ່ຫລວງກວ່າໃຫ້ແກ່ການເຕີບໂຕ ແລະ ຫັນປ່ຽນອົງປະກອບເສດຖະກິດ. ຄວນມີບັນດາມາດຕະການໃຫຍ່ເພື່ອສ້າງສະພາບແວດລ້ອມແຫ່ງການລົງທຶນ, ດຳເນີນທຸລະກິດຢ່າງສະດວກໃຫ້ແກ່ການພັດທະນາເສດຖະກິດພາກເອກະຊົນ. ນີ້ແມ່ນຄຳຢືນຢັນຂອງທ່ານ ຫງວຽນວັນບີງ, ຫົວຫນ້າຄະນະເສດຖະກິດສູນກາງ ທີ່ເວທີປາໄສ “ເສດຖະກິດພາກເອກະຊົນໃນວິວັດການພັດທະນາເສດຖະກິດສັງຄົມຂອງປະເທດຊາດຄັ້ງທີ 2017” ຈັດຕັ້ງໃນວັນທີ 26/4 ຢູ່ ຮ່າໂນ້ຍ. ທ່ານ ຫງວຽນວັນບີງ ກໍ່ໄດ້ເນັ້ນຫນັກວ່າ ໃນຊຸມປີມໍ່ໆມານີ້, ປະສິດທິຜົນກຳລັງແກ້ງແຍ້ງຂອງເສດຖະກິດພາກເອກະຊົນໄດ້ຮັບການຍົກສູງຂຶ້ນ. ເພື່ອພັດທະນາເສດຖະກິດພາກເອກະຊົນ, ຫົວຫນ້າຄະນະເສດຖະກິດສູນກາງຖືວ່າ:
“ທີຫນຶ່ງ ກຳນົດທິດ, ວາງຄາດໝາຍພັດທະນາເສດຖະກິດພາກເອກະຊົນຮອດປີ 2025, ວິໄສທັດຮອດປີ 2035 ຄວນໄດ້ຮັບການກຳນົດ, ເຮັດແຈ້ງເພື່ອໃຫ້ເໝາະສົມກັບຄວາມຮຽກຮ້ອງຕ້ອງການຂອງພຶດຕິກຳພັດທະນາຂອງປະເທດຊາດ ແລະ ທ່າອ່ຽງຂອງຍຸກປະຈຸບັນ. ທີສອງ ສ້າງສະພາບແວດລ້ອມແຫ່ງການລົງທຶນ, ດຳເນີນທຸລະກິດຢ່າງສະດວກໃຫ້ການພັດທະນາເສດຖະກິດພາກເອກະຊົນ. ທີສາມ ຕ້ອງມີມາດຕະການໃຫຍ່ເພື່ອຫນູນຊ່ວຍເສດຖະກິດພາກເອກະຊົນປ່ຽນໃຫມ່ການມີຫົວຄິດປະດິດສ້າງ, ຫັນເຕັກໂນໂລຊີເປັນທັນສະໄຫມ ແລະ ພັດທະນາແຫລ່ງຊັບພະຍາກອນມະນຸດ. ທີ 4, ສະເຫນີບັນດາມາດຕະການຍົກສູງຜົນສັກສິດ, ປະສິດທິຜົນການຄຸ້ມຄອງລັດສຳລັບການພັດທະນາເສດຖະກິດພາກເອກະຊົນ.”