(VOVWORLD) -ວັນທີ 15 ກຸມພາ, ທ່ານນາຍົກລັດຖະມົນຕີ ຟ້າມມິງຈິງ ເປັນປະທານກອງປະຊຸມທາງໄກທົ່ວປະເທດສະຫຼຸບ 20 ປີແຫ່ງການປະຕິບັດມະຕິຂອງສູນກາງພາກກ່ຽວກັບເສດຖະກິດລວມໝູ່ ແລະ ສະຫຼຸບ 10 ປີແຫ່ງການປະຕິບັດກົດໝາຍສະຫະກອນ ປີ 2012.
 ທ່ານນາຍົກລັດຖະມົນຕີ ຟ້າມມິງຈິງ ກ່າວຄຳເຫັນທີ່ກອງປະຊຸມ |
ບົດລາຍງານທີ່ກອງປະຊຸມໃຫ້ຮູ້ວ່າ ພາຍຫຼັງການປະຕິບັດມະຕິມາເປັນເວລາ 20 ປີ, ພ້ອມກັບວິວັດການປ່ຽນແປງໃໝ່ເສດຖະກິດ ແລະ ເຊື່ອມໂຍງເຂົ້າກັບເສດຖະກິດສາກົນ, ຂົງເຂດເສດຖະກິດ ລວມໝູ່ ບັນລຸໄດ້ບາງໝາກຜົນສຳຄັນ. ພົ້ນເດັ່ນທີ່ສຸດແມ່ນການປ່ຽນແປງຮູບແບບສະຫະກອນເກົ່າໄປຍັງສູ່ຮູບແບບສະຫະກອນເປັນເຈົ້າຕົນເອງ, ມີຄວາມຮັບຜິດຊອບດ້ວຍຕົນເອງ.
ກ່າວຄຳເຫັນສະຫຼຸບກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ຢັ້ງຢືນວ່າ ເສດຖະກິດ ລວມໝູ່ ແມ່ນພາກສ່ວນເສດຖະກິດສຳຄັນ, ຍາມໃດພັກ, ລັດ ກໍ່ສົ່ງເສີມພັດທະນາ. ທ່ານນາຍົກລັດຖະມົນຕີ ຍົກອອກບາງເປົ້າໝາຍ, ການກຳນົດທິດ, ມາດຕະການຈຸດສຸມເພື່ອຊຸກຍູ້ການພັດທະນາເສດຖະກິດ ລວມໝູ່ໃນໄລຍະຈະມາເຖິງ, ແນໃສ່ພັດທະນາເສດຖະກິດລວມໝູ່ຢ່າງຂະຫຍັນຂັນເຄື່ອນ, ມີປະສິດທິຜົນ, ຍື່ນຍົງຢ່າງແທດຈິງ ແມ່ນພາກສ່ວນສຳຄັນໃນພື້ນຖານເສດຖະກິດ ດ້ວຍຫຼາຍຮູບແບບເຊື່ອມຕໍ່, ຮ່ວມມື.
ທ່ານນາຍົກລັດຖະມົນຕີ ຟ້າມມິງຈິງ ຮຽກຮ້ອງໃຫ້ສືບຕໍ່ສ້າງນະໂຍບາຍພັດທະນາເສດຖະກິດ ລວມໝູ່, ພັດທະນາເສດຖະກິດລວມໝູ່ຕາມທິດປະດິດຄິດສ້າງ, ມີວິທະຍາສາດ, ດີຈີຕອນ, ເສດຖະກິດຂຽວ, ເສດຖະກິດໝູນວຽນ, ລະດົມທຸກແຫຼ່ງກຳລັງລົງທຶນເຂົ້າຂົງເຂດເສດຖະກິດລວມໝູ່.