ກອງປະຊຸມ ເຈົ້າໜ້າທີ່ເສດຖະກິດຂັ້ນສູງ ກຳປູເຈຍ - ລາວ - ມຽນມາ - ຫວຽດນາມ (CLMV SEOM ) ຄັ້ງທີ 18 (ພາບ: Baoquocte.com)

ນີ້ແມ່ນກອງປະຊຸມທີ່ສຳຄັນຂອງກົນໄກຮ່ວມມືເສດຖະກິດ CLMV ໃນຂອບເຂດບັນດາກອງປະຊຸມທີ່ນອນຢູ່ໃນຂອບເຂດຊ່ອງທາງຮ່ວມມືເສດຖະກິດ ອາຊຽນ 2020. ກອງປະຊຸມ SEOM CLMV 18 ໄດ້ສຸມໃສ່ເຂົ້າ ບັນດາບັນຫາຕົ້ນຕໍລວມມີ: ການແລກປ່ຽນຄຳເຫັນກ່ຽວກັບແຜນການຜັນຂະຫຍາຍໝາກຜົນຂອງ ກອງປະຊຸມລັດຖະມົນຕີເສດຖະກິດ CLMV ຄັ້ງທີ 11 ເຊິ່ງໄດ້ຈັດຂຶ້ນໃນວັນທີ 5 ກັນຍາ ຢູ່ ບາງກອກ, ປະເທດໄທ, ກວດກາຄືນສະພາບການປະຕິບັດແຜນການດຳເນີນງານ CLMV 2019 – 2020, ປຶກສາຫາລືບັນດາບາດກ້າວ ແລະ ປະຕິບັດລະບຽບການທີ່ຈຳເປັນໃຫ້ແກ່ເລື່ອງຍືນສະເໜີຕໍ່ກອງປະຊຸມຂັ້ນສູງ CLMV ເພື່ອຮັບຮອງເອົາເອກະສານ “ຂອບເຂດການພັດທະນາ CLMV” ເຊິ່ງ ບັນດາທ່ານລັດຖະມົນຕີ ເສດຖະກິດ CLMV ໄດ້ເຫັນດີເປັນເອກະພາບ ໃນເດືອນ ກັນຍາ 2019. ຄຽງຄູ່ກັນນັ້ນ, ກອງປະຊຸມກໍ່ໄດ້ແລກປ່ຽນກັບ ຄະນະເລຂາ ອາຊຽນ ກ່ຽວກັບສະພາບການຜັນຂະຫຍາຍແຜນການທີ່ກ່ຽວຂ້ອງເຖິງຂໍ້ລິເລີ່ມເຊື່ອມໂຍງ ອາຊຽນ (IAI) ໄລຍະ III ແລະ ບາງບັນຫາທີ່ກ່ຽວຂ້ອງ…