ສ້າງວຽກເຮັດງານທຳໃຫ້ຄົນພິການ
(ພາບອິນເຕີເນດ) (vovworld) - ໃນປີ 2016, ຄະນະກຳມະການແຫ່ງຊາດກ່ຽວກັບຄົນພິການຫວຽດນາມ ຈະຍົກສູງຄູນນະພາບບັນດາລາຍການດຳເນີນງານ, ສ້າງເງື່ອນໄຂໃຫ້ຄົນພິການເສີມຂະຫຍາຍສິດຂອງຕົນ. ພາຍຫຼັງກົດໝາຍວ່າດ້ວຍຄົນພິການໄດ້ຮັບການປະກາດໃຊ້, ມາຮອດປະຈຸບັນ, ລະບົບກົດໝາຍ, ນະໂຍບາຍກ່ຽວກັບຄົນພິການຄົບຖ້ວນ, ເປັນເອກະພາບ ແລະ ຮອບດ້ານພໍສົມຄວນ. ເລື່ອງຈັດຕັ້ງປະຕິບັດ ນະໂຍບາຍກົດໝາຍກ່ຽວກັບຄົນພິການ ໄດ້ສ້າງການຫັນປ່ຽນຢ່າງຕັ້ງໜ້າໃນຊີວິດຂອງຄົນພິການ, ການປ່ຽນແປງກ່ຽວກັບຄວາມຮັບຮູ້ໃນສັງຄົມ ໄດ້ຊ່ວຍໃຫ້ຄົນພິການມີຄວາມເຊື່ອໝັ້ນຕົນເອງກວ່າ, ຮົ້ວກີດຂວາງໃນສັງຄົມກໍ່ຫຼຸດລົງເທື່ອລະກ້າວ, ສິດຂອງຄົນພິການນັບມື້ນັບໄດ້ຮັບປະກັນ, ອັນໄດ້ຊ່ວຍໃຫ້ຄົນພິການເຊື່ອມຕົວເຂົ້າໃນຊີວິດສັງຄົມຢ່າງສະດວກສະບາຍ. ຄຽງຂ້າງນັ້ນຍາມໃດລັດກໍ່ເອົາໃຈໃສ່ປະກາດໃຊ້ນະໂຍບາຍຫຼາຍຢ່າງ, ບຸລິມາສິດແຫຼ່ງກຳລັງໃຫ້ແກ່ການປະຕິບັດນະໂຍບາຍ, ລາຍການ, ແຜນຮ່າງໜູນຊ່ວຍຄົນພິການອີກ.
ປະຈຸບັນ, ຫວຽດນາມມີຄົນພິການກວ່າ 7 ລ້ານຄົນ, ກວມ 7,8% ຈຳນວນພົນລະເມືອງ. ທົ່ວປະເທດໄດ້ສ້າງຕັ້ງ ແລະ ພັດທະນາ 67 ຮາກຖານໜູນຊ່ວຍຄົນພິດານ, ສະໜອງການບໍລິການ, ກາຍຍະບຳບັດ, ແນະນຳອາຊີບ, ສອນວິຊາຊີບ ແລະ ວຽກງານສັງຄົມໃຫ້ຄົນພິການທີ່ປະສົບກັບຄວາມຫຍຸ້ງຍາກເປັນພິເສດ.